ಮಲಯಾಳಂ ನಟಿಗೆ ಮೇಘನಾ ರಾಜ್ ವಿಶ್ ಮಾಡಿದ್ದು ಈ ಕಾರಣಕ್ಕೆ

ಬೆಂಗಳೂರು: ನಟಿ ಮೇಘನಾ ರಾಜ್ ಮಲಯಾಳಂ ನಟಿ ನಝ್ರಿಯಾ ನಝೀಮ್ ಸ್ನೇಹಿತೆಯರು ಎನ್ನುವುದು ಎಲ್ಲರಿಗೂ ಗೊತ್ತೇ ಇದೆ. ಇದೀಗ ತಮ್ಮ ಸ್ನೇಹಿತೆಯ ವೃತ್ತಿ ಜೀವನದಲ್ಲಿ ಮಹತ್ವದ ಸಾಧನೆ ನೋಡಿ ಮೇಘನಾ ಸಾಮಾಜಿಕ ಜಾಲತಾಣದಲ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಮದುವೆ ಬಳಿಕ ನಝ್ರಿಯಾ ಸಿನಿಮಾಗಳಿಂದ ದೂರವೇ ಉಳಿದಿದ್ದರು. ಆದರೆ ಇದೀಗ ತೆಲುಗಿನಲ್ಲಿ ಪದಾರ್ಪಣೆ ಮಾಡುತ್ತಿದ್ದಾರೆ. ನಾನಿ ಜತೆಗೆ ನಝ್ರಿಯಾ ಅಭಿನಯಿಸಲಿದ್ದಾರೆ. ಇದೇ ಕಾರಣಕ್ಕೆ ಮೇಘನಾ ನಝ್ರಿಯಾಗೆ ಅಭಿನಂದಿಸಿದ್ದಾರೆ. ಇತ್ತೀಚೆಗಷ್ಟೇ ಹೆರಿಗೆಯ ಬಳಿಕ ಮೇಘನಾ ಆಸ್ಪತ್ರೆಯಲ್ಲಿದ್ದಾಗ ಪತಿ ಜತೆ ನಝ್ರಿಯಾ ಆಸ್ಪತ್ರೆಗೆ ಭೇಟಿ ನೀಡಿದ್ದರು.