Lawyer Jagadish: ವಕೀಲ್ ಸಾಬ್ ಎಂದು ಓಡಾಡುತ್ತಿದ್ದ ಲಾಯರ್ ಜಗದೀಶ್ ಸ್ವಲ್ಪ ದಿನ ಒಳಗೇ ಇರ್ಲಿ ಬಿಡಿ

ಬೆಂಗಳೂರು: ಬಿಗ್ ಬಾಸ್ ಖ್ಯಾತಿಯ ಲಾಯರ್ ಜಗದೀಶ್ ಹೋದಲ್ಲೆಲ್ಲಾ ಕಿರಿಕ್ ಮಾಡಿಕೊಂಡು ಸುದ್ದಿಯಾಗುತ್ತಿರುವುದು ಇದೇ ಮೊದಲಲ್ಲ. ಈಗ ತಮ್ಮ ಅಂಗರಕ್ಷಕರು ಗುಂಡು ಹಾರಿಸಿದ ತಪ್ಪಿಗೆ ಅವರನ್ನು ಬಂಧಿಸಲಾಗಿದ್ದು, ನೆಟ್ಟಿಗರು ಸ್ವಲ್ಪ ದಿನ ಒಳಗೇ ಇರ್ಲಿ ಬಿಡಿ ಎಂದು ಕಾಮೆಂಟ್ ಮಾಡಿದ್ದಾರೆ.

ತಮ್ಮ ಮನೆಯ ಎದುರು ಅಣ್ಣಮ್ಮ ಕೂರಿಸಿ ರಸ್ತೆ ಬ್ಲಾಕ್ ಮಾಡಿದ್ದಾರೆ ಎಂದು ಜಗದೀಶ್ ಮೊದಲು ಪೊಲೀಸರಿಗೆ ದೂರು ನೀಡಿದ್ದರು. ಈ ಕಾರಣಕ್ಕೆ ಅವರ ಮೇಲೆ ಕೆಲವರು ಹಲ್ಲೆ ನಡೆಸಿದ್ದರು. ಇದರ ನಡುವೆ ಅವರು ಪೊಲೀಸರೂ ನನ್ನ ವಿರುದ್ಧ ಇದ್ದಾರೆ ಎಂದು ಆರೋಪಿಸಿದ್ದರು.

ಅಷ್ಟೇ ಅಲ್ಲ, ತಮ್ಮ ವಿರುದ್ಧ ಗಲಾಟೆ ಮಾಡಲು ಬಂದವರನ್ನು ತಡೆಯಲು ಅಂಗರಕ್ಷಕರನ್ನಿಟ್ಟುಕೊಂಡಿದ್ದರು. ಆ ಅಂಗರಕ್ಷಕರು ಗಲಾಟೆ ಮಾಡಲು ಬಂದಿದ್ದ ಗುಂಪು ಚದುರಿಸಲು ಗುಂಡು ಹಾರಿಸಿದ್ದು ಈಗ ಪೊಲೀಸರಿಗೆ ಅವರ ವಿರುದ್ಧ ಪ್ರಬಲ ಸಾಕ್ಷ್ಯ ಸಿಕ್ಕಂತಾಗಿದೆ.

ಅಂಗರಕ್ಷಕರು ಸಾರ್ವಜನಿಕವಾಗಿ ಗುಂಡು ಹಾರಿಸಿದ್ದ ಗನ್ ಗೆ ಉತ್ತರ ಪ್ರದೇಶದ ಪರವಾನಗಿ ಇದೆ. ಹೀಗಾಗಿ ಇದನ್ನು ಇಲ್ಲಿ ಬಳಸುವಂತಿಲ್ಲ. ಇದೇ ಕಾರಣವನ್ನಿಟ್ಟುಕೊಂಡು ಅವರನ್ನು ಈಗ ಬಂಧಿಸಲಾಗಿದೆ.

ಅವರ ಬಂಧನದ ಸುದ್ದಿ ಬರುತ್ತಿದ್ದಂತೇ ನೆಟ್ಟಿಗರು ಪ್ರತಿಕ್ರಿಯಿಸಿದ್ದು ಇಷ್ಟು ದಿನ ವಕೀಲ್ ಸಾಬ್ ಎಂದು ಮನಸ್ಸಿಗೆ ಬಂದಂತೆ ನಡೆದುಕೊಳ್ಳುತ್ತಿದ್ದರು. ಸ್ವಲ್ಪ ದಿನ ಒಳಗೆ ಇರ್ಲಿ ಬಿಡಿ, ಆಗಲಾದರೂ ಕಿರಿಕ್ ಕೊಂಚ ಕಡಿಮೆಯಾಗುತ್ತದೋ ಏನೋ ಎಂದು ಕಾಮೆಂಟ್ ಮಾಡಿದ್ದಾರೆ.