ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಲಾಯರ್ ಜಗದೀಶ್ ಇದ್ದಾಗ ಮಾತ್ರ ಟಿಆರ್ ಪಿ. ಅವರಿಂದಲೇ ಶೋ ಭರ್ಜರಿ ರೇಟಿಂಗ್ ಪಡೆಯುತ್ತಿತ್ತು ಎನ್ನುತ್ತಿದ್ದವರಿಗೆ ಮುಟ್ಟಿ ನೋಡಿಕೊಳ್ಳುವ ಹಾಗಿದೆ ಈ ವಾರದ ಟಿಆರ್ ಪಿ.
ಈ ವಾರದ ಕಿರುತೆರೆ ವಾಹಿನಿಗಳ ಟಿಆರ್ ಪಿ ಲಿಸ್ಟ್ ಹೊರಬಿದ್ದಿದ್ದು ಬಿಗ್ ಬಾಸ್ ಶೋ ಮತ್ತೆ ಭರ್ಜರಿ ಟಿಆರ್ ಪಿ ಪಡೆದುಕೊಂಡಿದೆ. ಈ ಸೀಸನ್ ನಲ್ಲಿ ಬಿಗ್ ಬಾಸ್ ದಾಖಲೆಯ ಟಿಆರ್ ಪಿ ಪಡೆದುಕೊಂಡಿತ್ತು. ಆಗ ಜಗದೀಶ್ ಮನೆಯಲ್ಲಿದ್ದರು. ಅವರ ಕಾರಣಕ್ಕೇ ಟಿಆರ್ ಪಿ ಬಂದಿದೆ ಎಂದು ಹಲವರು ಕೊಚ್ಚಿಕೊಂಡಿದ್ದರು.
ಆದರೆ ಅವರು ಹೊರ ಹೋದ ಬಳಿಕವೂ ಬಿಗ್ ಬಾಸ್ ಟಿಆರ್ ಪಿ ಕಡಿಮೆಯಾಗಿಲ್ಲ. ವಿಶೇಷವಾಗಿ ಕಿಚ್ಚನ ವೀಕೆಂಡ್ ಶೋಗೆ ಭರ್ಜರಿ ರೇಟಿಂಗ್ ಬರುತ್ತಿದೆ. ಈ ವಾರಂತ್ಯದ ಶೋನಲ್ಲಿ ಸುದೀಪ್ ಸ್ಪರ್ಧಿ ಚೈತ್ರಾಗೆ ಬೆವರಿಳಿಸಿದ್ದರು. ಅವರ ಈ ಎಪಿಸೋಡ್ ನ್ನು ಸಾಕಷ್ಟು ಜನ ವೀಕ್ಷಣೆ ಮಾಡಿದ್ದಾರೆ.
ಪರಿಣಾಮ ಈ ವಾರ ಶನಿವಾರದ ಎಪಿಸೋಡ್ ಗೆ 8.7 ಮತ್ತು ಭಾನುವಾರದ ಎಪಿಸೋಡ್ ಗೆ 9.1 ಟಿಆರ್ ಪಿ ಬಂದಿದೆ. ವಾರದ ದಿನಗಳಲ್ಲಿ ಸರಾಸರಿ 7.4 ಟಿವಿಆರ್ ಪಾಯಿಂಟ್ ಬಂದಿದೆ. ಹೀಗಾಗಿ ಬಿಗ್ ಬಾಸ್ ನಲ್ಲಿ ಯಾರು ಬಂದರೂ ಇಲ್ಲದೇ ಇದ್ದರೂ ವೀಕ್ಷಕರಂತೂ ಇದ್ದೇ ಇದ್ದಾರೆ ಎನ್ನುವುದು ಪಕ್ಕಾ ಆಗಿದೆ.
