ಕಿಚ್ಚ ಸುದೀಪ್-ಎಂ.ಎನ್ ಕುಮಾರ್ ವಿವಾದ: ಕೋರ್ಟ್ ನಲ್ಲಿ ಹೇಳಿಕೆ ನೀಡಿದ ಕಿಚ್ಚ

ಬೆಂಗಳೂರು: ಕಿಚ್ಚ ಸುದೀಪ್ ಮತ್ತು ಎಂ.ಎನ್ ಕುಮಾರ್ ನಡುವಿನ ವಿವಾದ ಬಗೆಹರಿಸುವ ಸ್ಯಾಂಡಲ್ ವುಡ್ ಹಿರಿಯರ ಪ್ರಯತ್ನ ಫಲ ನೀಡಿಲ್ಲ.

ಇಂದು ಎಂ.ಎನ್ ಕುಮಾರ್ ವಿರುದ್ಧ ಕಿಚ್ಚ ಸುದೀಪ್ ಕೋರ್ಟ್ ಗೆ ಪ್ರಮಾಣಿತ ಹೇಳಿಕೆ ದಾಖಲಿಸಿದ್ದಾರೆ.ಸುದ್ದಿಗೋಷ್ಠಿಯಲ್ಲಿ ಕುಮಾರ್ ಮಾಡಿದ್ದ ಆರೋಪಗಳೆಲ್ಲಾ ಸುಳ್ಳು ಎಂದಿದ್ದಾರೆ.

ಇಬ್ಬರ ನಡುವಿನ ವಿವಾದವನ್ನು ಬಗೆಹರಿಸಲು ರವಿಚಂದ್ರನ್ ಮತ್ತು ಶಿವರಾಜ್ ಕುಮಾರ್ ಮುಂದಾಗಿದ್ದರು. ಅದರಂತೆ ಕುಮಾರ್ ಜೊತೆ ಮಾತುಕತೆ ನಡೆಸಿದ್ದರು. ಆದರೆ ಅದಕ್ಕೆ ಕಿಚ್ಚ ಒಪ್ಪದೇ ನ್ಯಾಯಾಲಯದ ಮೂಲಕವೇ ತೀರ್ಮಾನವಾಗಲಿ ಎಂದು ನಿರ್ಧರಿಸಿದ್ದಾರೆ.