ಹೊಸ ಸುದ್ದಿ ಕೊಟ್ಟ ಕಿಚ್ಚ ಸುದೀಪ್-ರವಿಚಂದ್ರನ್!

ಬೆಂಗಳೂರು: ಮೊನ್ನೆಯಷ್ಟೇ ಕ್ರೇಜಿಸ್ಟಾರ್ ರವಿಚಂದ್ರನ್ ನನಗೆ ಸುದೀಪ್ ಎಂದರೆ ಮಗನಿದ್ದಂತೆ ಎಂದು ಭಾವುಕರಾಗಿ ಹೇಳಿಕೊಂಡಿದ್ದರು. ಈಗ ಅದೇ ರವಿಚಂದ್ರನ್ ಮತ್ತು ಕಿಚ್ಚ ಸುದೀಪ್ ಕಡೆಯಿಂದ ಹೊಸ ಸುದ್ದಿಯೊಂದು ಬಂದಿದೆ.

ರವಿಚಂದ್ರನ್ ಹೊಸ ಸಿನಿಮಾ ‘ರವಿ ಬೋಪಣ್ಣ’ ದಲ್ಲಿ ಸುದೀಪ್ ಇದ್ದಾರೆ ಎಂಬ ಹೊಸ ಸುದ್ದಿ ಓಡಾಡುತ್ತಿದೆ. ಈ ಬಗ್ಗೆ ಇಬ್ಬರೂ ಅಧಿಕೃತವಾಗಿ ಹೇಳಿಕೊಂಡಿಲ್ಲ. ಆದರೆ ರವಿಚಂದ್ರನ್ ಸಿನಿಮಾ ಸೆಟ್ ಗೆ ಸುದೀಪ್ ಬಂದು ಹೋಗಿದ್ದಾರೆ.

ಸುದೀಪ್ ಪಾತ್ರ ಮಾಡುತ್ತಾರಾ ಅಥವಾ ಬೇರೆ ಯಾವ ರೀತಿಯಲ್ಲಾದರೂ ಈ ಸಿನಿಮಾದಲ್ಲಿ ಕೈ ಜೋಡಿಸುತ್ತಿದ್ದಾರಾ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ ತಮ್ಮ ಮಗನ ಸಮಾನ ಎಂದೇ ಹೇಳಿಕೊಳ್ಳುತ್ತಿದ್ದ ಕಿಚ್ಚ ರವಿಚಂದ್ರನ್ ಸಿನಿಮಾದಲ್ಲಿ ಕೈ ಜೋಡಿಸುತ್ತಿರುವುದಂತೂ ನಿಜ.