ಕೆಜಿಎಫ್ 2 ಬಿಗ್ ಸೀಕ್ರೆಟ್ ಇಂದು ಬಹಿರಂಗ

ಮುಂಬೈ: ಜುಲೈ 29 ಕ್ಕೆ ಬಿಗ್ ಸೀಕ್ರೆಟ್ ಒಂದನ್ನು ಬಹಿರಂಗಪಡಿಸುವುದಾಗಿ ಕೆಜಿಎಫ್ 2 ಚಿತ್ರತಂಡ ಘೋಷಿಸಿತ್ತು. ಅದರಂತೆ ಇಂದು ಆ ಸೀಕ್ರೆಟ್ ಬಯಲಾಗಲಿದೆ.

ಕೆಜಿಎಫ್ 2 ನಲ್ಲಿ ಅಧೀರ ಪಾತ್ರ ಮಾಡುತ್ತಿರುವವರು ಯಾರು ಎಂಬ ರಹಸ್ಯವನ್ನು ಇಂದು ಕೆಜಿಎಫ್ ತಂಡ ಹೊರಹಾಕಲಿದೆ. ಆದರೆ ಈಗಾಗಲೇ ಅಭಿಮಾನಿಗಳು ಈ ಪಾತ್ರವನ್ನು ಬಾಲಿವುಡ್ ನಟ ಸಂಜಯ್ ದತ್ ಮಾಡುತ್ತಿರಬಹುದು ಎಂದು ಊಹೆ ಮಾಡಿದ್ದಾರೆ.

ಇಂದು ಸಂಜಯ್ ದತ್ ಜನ್ಮದಿನವಾಗಿದ್ದು, ಅದೇ ಕಾರಣಕ್ಕೆ ಇಂದೇ ಈ ಸೀಕ್ರೆಟ್ ಬಹಿರಂಗಪಡಿಸುತ್ತಿರಬಹುದು ಎಂಬುದು ಅಭಿಮಾನಿಗಳ ಲೆಕ್ಕಾಚಾರವಾಗಿದೆ. ಅದು ನಿಜವಾ ಎಂದು ತಿಳಿಯಲು ಕಾದು ನೋಡಬೇಕಿದೆ.