ಕೆಜಿಎಫ್ 2 ಬಾಕಿ ಚಿತ್ರೀಕರಣ ಶುರುವಾಗುವ ಡೇಟ್ ಫಿಕ್ಸ್

ಬೆಂಗಳೂರು: ಬಹುನಿರೀಕ್ಷಿತ ಕೆಜಿಎಫ್ 2 ಸಿನಿಮಾದ ಕೆಲವೇ ಕೆಲವು ಭಾಗದ ಚಿತ್ರೀಕರಣ ಕೊರೋನಾ ಕಾರಣದಿಂದ ಬಾಕಿಯಾಗಿತ್ತು. ಇದೀಗ ಚಿತ್ರತಂಡ ಅದನ್ನು ಪೂರ್ತಿ ಮಾಡಲು ಹೊರಟಿದೆ.

ಈ ಮೊದಲು ಚಿತ್ರತಂಡ ಅಕ್ಟೋಬರ್ ನಲ್ಲಿ ಸಿನಿಮಾ ಬಿಡುಗಡೆ ಮಾಡುವುದಾಗಿ ಹೇಳಿತ್ತು. ಆದರೆ ಸದ್ಯದ ಪರಿಸ್ಥಿತಿ ನೋಡಿದರೆ ಅದು ಕಷ್ಟವೇ.

ಹಾಗಿದ್ದರೂ ಬಾಕಿ ಉಳಿದಿರುವ ಭಾಗದ ಚಿತ್ರೀಕರಣವನ್ನು ಆಗಸ್ಟ್ 15 ರ ಬಳಿಕ ಮಾಡಿ ಮುಗಿಸಲು ಚಿತ್ರತಂಡ ತಯಾರಿ ನಡೆಸಿದೆ. ಇದಕ್ಕಾಗಿ ಈಗಾಗಲೇ ಚಿತ್ರತಂಡದವರನ್ನು ಹೋಟೆಲ್ ಒಂದರಲ್ಲಿ ಕ್ವಾರಂಟೈನ್ ನಲ್ಲಿರಿಸಲಾಗಿದೆಯಂತೆ. ಚಿತ್ರೀಕರಣ ಮುಗಿಯುವವರೆಗೂ ಯೂನಿಟ್ ನವರು ಸಾಧ‍್ಯವಿರುವ ಎಲ್ಲಾ ಸುರಕ್ಷತೆ ಕ್ರಮಗಳನ್ನು ಕೈಗೊಳ್ಳಲಿದ್ದಾರೆ ಎಂದು ನಿರ್ಮಾಪಕ ಕಾರ್ತಿಕ್ ಗೌಡ ಆಂಗ್ಲ ಮಾಧ‍್ಯಮವೊಂದಕ್ಕೆ ಹೇಳಿಕೆ ನೀಡಿದ್ದಾರೆ.