ಕೆಜಿಎಫ್ 2 ನಿರ್ದೇಶಕ, ಬೀಸ್ಟ್ ನಿರ್ದೇಶಕರಿಂದ ಶಾಂತಿ ಶಾಂತಿ!

ಚೆನ್ನೈ: ಒಂದೇ ಸಮಯಕ್ಕೆ ಬಿಡುಗಡೆಯಾಗಲಿರುವ ಕೆಜಿಎಫ್ 2 ಮತ್ತು ಬೀಸ್ಟ್ ಸಿನಿಮಾ ಅಭಿಮಾನಿಗಳ ನಡುವೆ ಫ್ಯಾನ್ಸ್ ವಾರ್ ಆಗದಂತೆ ಇದೀಗ ನಿರ್ದೇಶಕರೂ ರಂಗಕ್ಕಿಳಿದಿದ್ದಾರೆ.

ಕೆಜಿಎಫ್ 2 ಟ್ರೈಲರ್ ಬಿಡುಗಡೆಯಾದ ಬೆನ್ನಲ್ಲೇ ರಾಕಿಂಗ್ ಸ್ಟಾರ್ ಯಶ್, ಬೀಸ್ಟ್ ಜೊತೆ ನಾವು ಸ್ಪರ್ಧೆ ನಡೆಸುತ್ತಿಲ್ಲ. ಆ ಸಿನಿಮಾವನ್ನೂ ನೋಡ್ತೀವಿ ಎನ್ನುವ ಮೂಲಕ ಅಭಿಮಾನಿಗಳ ಕಿತ್ತಾಟಕ್ಕೆ ಕೊಂಚ ಮಟ್ಟಿಗೆ ಬ್ರೇಕ್ ಹಾಕಿದ್ದರು.

ಇದೀಗ ಬೀಸ್ಟ್ ನಿರ್ದೇಶಕ ನೆಲ್ಸನ್ ದಿಲೀಪ್ ಕುಮಾರ್ ಕೆಜಿಎಫ್ 2 ಟ್ರೈಲರ್ ಮೆಚ್ಚಿ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಕೆಜಿಎಫ್ 2 ನಿರ್ದೇಶಕ ಪ್ರಶಾಂತ್ ನೀಲ್ ಕೂಡಾ ಪ್ರತಿಕ್ರಿಯಿಸಿದ್ದಾರೆ. ಆ ಮೂಲಕ ತಮ್ಮ ಸಿನಿಮಾಗಳ ನಡುವೆ ಪೈಪೋಟಿಯಿಲ್ಲ ಎಂಬ ಸಂದೇಶವನ್ನು ಅಭಿಮಾನಿಗಳಿಗೆ ಕೊಟ್ಟಿದ್ದಾರೆ.