ಬೆಂಗಳೂರು: ಬೆಂಗಳೂರು ಕಂಬಳ ಉತ್ಸವದಲ್ಲಿ ಪಾಲ್ಗೊಂಡಿದ್ದ ಕಾಂತಾರ ಸಿನಿಮಾ ಖ್ಯಾತಿಯ ಜೋಡಿ ಕೋಣಗಳು ಚಿನ್ನ ಗೆದ್ದು ಬೀಗಿವೆ.
ರಿಷಬ್ ಶೆಟ್ಟಿ ನಟಿಸಿರುವ ಕಾಂತಾರ ಸಿನಿಮಾದಲ್ಲಿ ಕಂಬಳದ ದೃಶ್ಯವಿದೆ. ರಿಷಬ್ ಶೆಟ್ಟಿ ಕಂಬಳದ ಕೋಣಗಳನ್ನು ಓಡಿಸುವ ದೃಶ್ಯದ ಮೂಲಕ ಎಂಟ್ರಿ ಕೊಡುತ್ತಾರೆ.
ಈ ದೃಶ್ಯದಲ್ಲಿ ಭಾಗಿಯಾದ ಕೋಣಗಳಾದ ಅಪ್ಪು-ಕಿಟ್ಟು ಜೋಡಿ ಕನೆಹಲಗೆ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿದ್ದಾರೆ. ಉಡುಪಿಯ ಬೈಂದೂರು ಪರಮೇಶ್ವರ ಭಟ್ ಅವರು ಈ ಕೋಣದ ಮಾಲಿಕರು.
ಕಾಂತಾರ ಸಿನಿಮಾದಲ್ಲಿ ಮಹೇಶ್ ರಿಷಬ್ ಶೆಟ್ಟಿಗೆ ಕೋಣಗಳನ್ನು ಓಡಿಸಲು ಟ್ರೈನಿಂಗ್ ಕೊಟ್ಟಿದ್ದರು. ಈ ಬಾರಿ ಬೆಂಗಳೂರ ಕಂಬಳದಲ್ಲಿ ಈ ಕೋಣಗಳನ್ನು ರಾಘವೇಂದ್ರ ಪೂಜಾರಿ ಓಡಿಸಿದರು. ಇನ್ನು ಈ ಕೋಣಗಳ ಜೊತೆ ಜನರು ಸೆಲ್ಫೀ ತೆಗೆಸಿಕೊಳ್ಳುತ್ತಿದ್ದ ದೃಶ್ಯವೂ ಸಾಮಾನ್ಯವಾಗಿತ್ತು.
