ನಟ ರಕ್ಷಿತ್ ಶೆಟ್ಟಿ ಅಭಿನಯದ ರಿಶಬ್ ಶೆಟ್ಟಿ ಆಕ್ಷನ್ ಕಟ್ ಹೇಳಿರುವ ಕಿರಿಕ್ ಪಾರ್ಟಿ ಚಿತ್ರಕ್ಕೆ ಮಾಧ್ಯಮಗಳು ಒಳ್ಳೇ ಮಾರ್ಕ್ಸ್ ಹಾಕಿದ್ದವು. ಈಗ ಪ್ರೇಕ್ಷಕರು ರಕ್ಷಿತ್ ಶೆಟ್ಟಿ ಕಿರಿಕ್‌ಗೆ ಫಿದಾ ಆಗಿದ್ದಾರೆ. ವಾರಾಂತ್ಯ, ಹೊಸ ವರ್ಷದ ಸಂಭ್ರಮ ಚಿತ್ರಕ್ಕೆ ಒಳ್ಳೇ ಕಲೆಕ್ಷನ್ ತಂದುಕೊಟ್ಟಿದೆ.
ಚಿತ್ರ ತೆರೆಕಂಡ ಮೂರೇ ಮೂರು ದಿನಗಳಲ್ಲಿ ಆರು ಕೋಟಿ ಕಲೆಕ್ಷನ್ ಆಗಿದೆ. ನೋಟ್ ಬ್ಯಾನ್ ಪರಿಣಾಮ ಈ ಚಿತ್ರದ ಮೇಲೆ ಎಳ್ಳಷ್ಟೂ ಆಗಿಲ್ಲ ಎಂಬುದಕ್ಕೆ ಈ ಕಲೆಕ್ಷನ್ ಸಾಕ್ಷಿ. ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಅತಿದೊಡ್ಡ ಓಪನಿಂಗ್ ಇದು ಎನ್ನಬಹುದು.
ಕಲೆಕ್ಷನ್ ಇದೇ ರೀತಿ ಮುಂದುವರೆದರೆ ಇನ್ನೊಂದು ವಾರದಲ್ಲಿ ರೂ. 12 ಕೋಟಿ ಮುಟ್ಟಬಹುದು ಎಂದು ಲೆಕ್ಕಾಚಾರ ಹಾಕಲಾಗಿದೆ. ವಾರದ ದಿನಗಳಲ್ಲೂ ಬುಕಿಂಗ್ ಜೋರಾಗಿದ್ದು, ರಕ್ಷಿತ್ ಶೆಟ್ಟಿ ಚಿತ್ರದಲ್ಲಿ ಏನೋ ವಿಶೇಷ ಇದ್ದೇ ಇರುತ್ತದೆ ಎಂಬ ಪ್ರೇಕ್ಷಕರ ನಿರೀಕ್ಷೆ ಹುಸಿಯಾಗಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
