Kamal Hassan: ಕಮಲ್ ಹಾಸನ್ ಗೆ ಪಾಠ ಕಲಿಸಲು ಇದೊಂದು ಕೆಲಸ ಮಾಡಿದ್ರೆ ಸಾಕು

ಬೆಂಗಳೂರು: ಥಗ್ ಲೈಫ್ ಸಿನಿಮಾ ಈವೆಂಟ್ ನಲ್ಲಿ ಕನ್ನಡಕ್ಕೆ ಅವಮಾನ ಮಾಡಿದ ಬಹುಭಾಷಾ ನಟ ಕಮಲ್ ಹಾಸನ್ ಗೆ ಪಾಠ ಕಲಿಸಬೇಕಾ? ಹಾಗಿದ್ದರೆ ಇದೊಂದು ಕೆಲಸ ಮಾಡಿದರೆ ಸಾಕು.

ಕಮಲ್ ಹಾಸನ್ ತಮಿಳಿನಿಂದ ಕನ್ನಡ ಹುಟ್ಟಿದ್ದು ಎಂದು ವಿವಾದ ಸೃಷ್ಟಿಸಿದ್ದರು. ಅದೂ ಸಾಲದೆಂಬಂತೆ ಕನ್ನಡಿಗರ ಮನಸ್ಸಿಗೆ ನೋವಾಗಿದೆ ಎಂದು ತಿಳಿದರೂ ಕ್ಷಮೆ ಕೇಳುವ ಔದಾರ್ಯ ತೋರಿಲ್ಲ. ಬದಲಾಗಿ ನಾನು ತಪ್ಪು ಮಾಡಿಲ್ಲ ಕ್ಷಮೆ ಕೇಳುವ ಪ್ರಶ್ನೆಯೇ ಇಲ್ಲ ಎಂದು ಹೇಳುತ್ತಲೇ ಇದ್ದಾರೆ.

ಇದೀಗ ಅವರ ಸಿನಿಮಾ ಥಗ್ ಲೈಫ್ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ ಕನ್ನಡದಲ್ಲಿ ಬಿಡುಗಡೆಯಾಗುತ್ತಿಲ್ಲ. ಹಾಗಿದ್ದರೂ ಬೆಂಗಳೂರು ಸೇರಿದಂತೆ ರಾಜ್ಯದ ವಿವಿಧ ಭಾಗಗಳಲ್ಲಿ ಬೇರೆ ಭಾಷೆಗಳಲ್ಲಾದರೂ ಸರಿ ಕಮಲ್ ಹಾಸನ್ ಸಿನಿಮಾ ಎಂಬ ಕಾರಣಕ್ಕೆ ನೋಡುವವರಿದ್ದಾರೆ.

ಒಂದು ವೇಳೆ ಕಮಲ್ ಹಾಸನ್ ಗೆ ಪಾಠ ಕಲಿಸಬೇಕೆಂದರೆ ಈ ಸಿನಿಮಾವನ್ನು ನೋಡದೇ ಕನ್ನಡಿಗರು ಅಸಹಾಕರ ತೋರಿದರೆ ಸಾಕು. ಇದು ಮಾತ್ರವಲ್ಲ, ಮುಂದೆ ಬರುವ ಕಮಲ್ ಹಾಸನ್ ಸಿನಿಮಾಗಳನ್ನು ಥಿಯೇಟರ್ ಇರಲಿ, ಒಟಿಟಿಯಲ್ಲಿರಲಿ ನೋಡದೇ ಇದ್ದರೆ ಅದುವೇ ಕನ್ನಡಿಗರು ಕಲಿಸಬಹುದಾದ ದೊಡ್ಡ ಪಾಠ ಎಂದು ಹಲವರು ಈಗ ಸೋಷಿಯಲ್ ಮೀಡಿಯಾಗಳಲ್ಲಿ ಅಭಿಪ್ರಾಯಪಡುತ್ತಿದ್ದಾರೆ.