ಹಾಲಿವುಡ್‌ಗೆ ಕುಮಾರಸ್ವಾಮಿ ಪುತ್ರ ನಿಖಿಲ್ ಕುಮಾರ್

ಮೊದಲ ಚಿತ್ರ ಜಾಗ್ವಾರ್ ಮೂಲಕ ಸ್ಯಾಂಡಲ್‌ವುಡ್, ಟಾಲಿವುಡ್‌ಗೆ ಅಡಿಯಿಟ್ಟ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಮಗ ಈಗ ಹಾಲಿವುಡ್‌ಗೆ ಹಾರಲು ಸಿದ್ಧವಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಕುಮಾರಸ್ವಾಮಿ ಅಮೆರಿಕಾಗೆ ಪ್ರಯಾಣ ಬೆಳಸಿದ್ದಾರೆ. 

ಕುಮಾರಸ್ವಾಮಿ ಮನಸ್ಸು ಮಾಡಿದರೆ ಹಾಲಿವುಡ್ ಚಿತ್ರ ನಿರ್ಮಾಣವೇನು ಕಷ್ಟವಲ್ಲ. ಈಗಾಗಲೆ ಕಥೆಯನ್ನೂ ರೆಡಿ ಮಾಡಿಟ್ಟುಕೊಂಡಿದ್ದಾರೆ. ’ವೈಟ್‍ಹೌಸ್‌ನಲ್ಲಿ ಕಳ್ಳತನ’ ಎಂಬುದು ಕಥಾವಸ್ತು. ಇದರಲ್ಲಿ ನಿಖಿಲ್ ಕುಮಾರ್ ಕಳ್ಳರ ಬಂಡವಾಳ ಬಯಲು ಮಾಡುವ ಅಧಿಕಾರಿಯಾಗಿ ಕಾಣಿಸಲಿದ್ದಾರಂತೆ ಎಂಬುದು ಸದ್ಯದ ಸಮಾಚಾರ.

ಒಟ್ಟಾರೆಯಾಗಿ ಬಾಂಡ್ ರೀತಿಯ ಸಿನಿಮಾ ಇದು ಎಂದು ಮೇಲ್ಮೋಟಕ್ಕೆ ಗೊತ್ತಾಗುತ್ತದೆ. ಆ ರೀತಿಯ ಸಸ್ಪೆನ್ಸ್, ಥ್ರಿಲ್ಲರ್ ಅಂಶಗಳೆಂದರೆ ಬಾಲಿವುಡ್‍ನವರಿಗೆ ನೀರು ಕುಡಿದಷ್ಟೇ ಸುಲಭ. ಹಾಲಿವುಡ್‍ನಲ್ಲಿ ಸಿನಿಮಾ ಮಾಡಿದರೆ ಅದು ಹಲವಾರು ಭಾಷೆಗಳಿಗೆ ಡಬ್ ಮಾಡಬಹುದು ಎಂಬ ಲೆಕ್ಕಾಚಾರ ಕುಮಾರಣ್ಣನದು. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.