ಸದ್ಯದಲ್ಲೇ ಯೂಟ್ಯೂಬ್ ಚಾನೆಲ್ ಶುರು ಮಾಡ್ತಾರಂತೆ ನವರಸನಾಯಕ ಜಗ್ಗೇಶ್

ಬೆಂಗಳೂರು: ನವರಸನಾಯಕ ಜಗ್ಗೇಶ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಕೇವಲ ಸಿನಿಮಾ ವಿಚಾರವಲ್ಲದೇ ಆಧ್ಯಾತ್ಮಿಕ ವಿಚಾರಗಳ ಬಗ್ಗೆ ಬರೆಯುತ್ತಿರುತ್ತಾರೆ.

ಇವರ ಬರವಣಿಗೆ ನೋಡಿದ ಅಭಿಮಾನಿಯೊಬ್ಬ ಸರ್ ನೀವೂ ಒಂದು ಯೂ ಟ್ಯೂಬ್ ಚಾನೆಲ್ ಓಪನ್ ಮಾಡಿ, ಕಲೆ, ಸಂಸ್ಕೃತಿ, ಆಧ್ಯಾತ್ಮದ ವಿಚಾರಗಳನ್ನು ಅದರಲ್ಲಿ ಹೇಳಿ. ನಾವು ನೋಡುತ್ತೇವೆ ಎಂದು ಸಲಹೆ ನೀಡಿದ್ದಾರೆ.

ಅಭಿಮಾನಿಯ ಸಲಹೆಯನ್ನು ಸ್ವೀಕರಿಸಿರುವ ಜಗ್ಗೇಶ್ ಸದ್ಯದಲ್ಲೇ ನನ್ನದೇ ಯೂ ಟ್ಯೂಬ್ ಚಾನೆಲ್ ತೆರೆಯುತ್ತೇನೆ. ಈ ಬಗ್ಗೆ ಈಗಾಗಲೇ ನನ್ನ ತಂಡ ಕೆಲಸ ಮಾಡುತ್ತಿದೆ. ಕೆಲವೇ ದಿನಗಳಲ್ಲಿ ನಿಮಗೆ ಮಾಹಿತಿ ಕೊಡುತ್ತೇನೆ ಎಂದಿದ್ದಾರೆ. ಇತ್ತೀಗಷ್ಟೇ ನಟ ಕಿಚ್ಚ ಸುದೀಪ್ ತಮ್ಮದೇ ಯೂ ಟ್ಯೂಬ್ ಚಾನೆಲ್ ತೆರೆದಿದ್ದರು. ಈಗ ಜಗ್ಗೇಶ್ ಸರದಿ.