‘ಮೇಕಪ್’ ಸಿನಿಮಾ ಸಾಲ ತೀರಿಸಲು ಮನೆ ಮಾರಿದ್ದ ಜಗ್ಗೇಶ್!

ಬೆಂಗಳೂರು: ನವರಸನಾಯಕ ಜಗ್ಗೇಶ್ ತಮ್ಮ ಸ್ವಂತ ನಿರ್ಮಾಣದಲ್ಲಿ ಮಾಡಿದ ಸಿನಿಮಾ ‘ಮೇಕಪ್’. ಈ ಸಿನಿಮಾ 2002 ರಲ್ಲಿ ತೆರೆ ಕಂಡಿತ್ತು. ಜಗ್ಗೇಶ್ ಕಂಪ್ಲೀಟ್ ಮೇಕ್ ಓವರ್ ಸಿನಿಮಾದಲ್ಲಿ ಗಮನ ಸೆಳೆದಿತ್ತು. ಆದರೆ ಬಾಕ್ಸ್ ಆಫೀಸ್ ನಲ್ಲಿ ಈ ಸಿನಿಮಾ ಮಕಾಡೆ ಮಲಗಿತ್ತು.

ಆ ಸಿನಿಮಾ ನಿರ್ಮಾಣ ಮಾಡಿದ್ದ ಜಗ್ಗೇಶ್ 75 ಲಕ್ಷ ರೂ. ಕಳೆದುಕೊಂಡಿದ್ದರಂತೆ. ಆಗ ಮಾಡಿದ್ದ ಸಾಲ ತೀರಿಸಲು ಜಗ್ಗೇಶ್ ತಮ್ಮ ಸ್ವಂತ ಮನೆಯನ್ನೇ ಮಾರಬೇಕಾಯಿತಂತೆ. ಅಂದು ಆ ಮನೆಯನ್ನು ತಮ್ಮ ಸ್ನೇಹಿತನಿಗೇ ಮಾರಿದ್ದರು ಜಗ್ಗೇಶ್.

ಆವತ್ತು ಮಾರಿದ್ದ ಆ ಮನೆಯ ಆಸ್ತಿ ಇಂದು 35 ಕೋಟಿ ರೂ.! ಅದನ್ನು ಆವತ್ತು ಕೊಂಡಿದ್ದ ಸ್ನೇಹಿತನಿಗೆ ಇಂದು 16 ಲಕ್ಷ ರೂ. ಬಾಡಿಗೆ ಬರುತ್ತಿದೆಯಂತೆ! ಆವತ್ತು ಸ್ವಂತ ಬಂಡವಾಳ ಹಾಕಿ ಸಿನಿಮಾ ಮಾಡಿ ಕೈಸುಟ್ಟುಕೊಂಡಿದ್ದ ವ್ಯಥೆಯ ಕತೆಯ ಬಗ್ಗೆ ಜಗ್ಗೇಶ್ ಸ್ಮರಿಸಿಕೊಂಡಿದ್ದಾರೆ.