ಬೆಂಗಳೂರು: ನವರಸನಾಯಕ ಜಗ್ಗೇಶ್ ರಣಧೀರ ಸಿನಿಮಾದಲ್ಲಿ ಪೋಷಕ ನಟರಾಗಿ ಅಭಿನಯಿಸಿದ್ದರು. ಆ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಆ ಕಾಲದ ಘಟನೆಯೊಂದನ್ನು ಜಗ್ಗೇಶ್ ಈಗ ಸ್ಮರಿಸಿಕೊಂಡಿದ್ದಾರೆ.
1987 ರಲ್ಲಿ ಚೌಡಯ್ಯ ಸ್ಮಾರಕ ಭವನದಲ್ಲಿ ನಡೆದ ರಣಧೀರ ಸಿನಿಮಾದ 25 ನೇ ವಾರದ ಸಂಭ್ರಮದ ಕಾರ್ಯಕ್ರಮಕ್ಕೆ ತಮ್ಮನ್ನು ಪೊಲೀಸರು ಒಳ ಬಿಟ್ಟಿರಲಿಲ್ಲ. ಆವತ್ತು ಮ್ಯಾನೇಜರ್ ಮಧ್ಯಪ್ರವೇಶಿಸಿ ನಮ್ಮನ್ನು ಒಳಬಿಟ್ಟಿದ್ದರು.
ಆ ಕಾರ್ಯಕ್ರಮಕ್ಕೆ ಅಮಿತಾಭ್ ಬಚ್ಚನ್ ಮುಖ್ಯ ಅತಿಥಿಯಾಗಿದ್ದರು. ನಾನು, ಪರಿಮಳ ಹೋದಾಗ ನಮ್ಮನ್ನು ಪೊಲೀಸರು ಒಳಬಿಡಲಿಲ್ಲ.ಇಂದಿಗೆ 33 ವರ್ಷವಾಗಿದೆ. ಅಂದು ಗುರುತು ಹಿಡಿಯದವರ ಮಧ್ಯದಿಂದ ಎದ್ದು ಬಂದು ಇಂದು 150 ಚಿತ್ರಗಳಲ್ಲಿ ನಾಯಕನಟನಾಗಿ ನಿಂತಿರುವೆ. ಎಲ್ಲವೂ ರಾಯರ ಆಶೀರ್ವಾದ ಎಂದು ಜಗ್ಗೇಶ್ ನೆನೆಸಿಕೊಂಡಿದ್ದಾರೆ.
