ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತಾವು ಜಗ್ಗೇಶ್ ಅಭಿಮಾನಿ ಎಂದು ಎಷ್ಟೋ ಸಾರಿ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಜಗ್ಗೇಶ್ ಪ್ರತಿಕ್ರಿಯೆ ನೀಡಿದ್ದಾರೆ.
ಪುನೀತ್ ತಮ್ಮ ಜತೆಗಿರುವಾಗಲೆಲ್ಲಾ ಮನತುಂಬಿ ನಗುತ್ತಾ ಮಾತನಾಡುವುದು ಹೇಗೆ ಎಂದು ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಜಗ್ಗೇಶ್ ಉತ್ತರಿಸಿದ್ದು ಹೀಗೆ:
‘ಬಾಲ್ಯದಿಂದಲೂ ಆತನ ಕಂಡರೆ ನನಗಿಷ್ಟ. ಶಿವಣ್ಣ, ರಾಘಣ್ಣ, ಪುನೀತ್ ಅವರ ಅಪ್ಪನ ಗುಣದ ಪಡಿಯಚ್ಚು. ಸ್ವಲ್ಪವೂ ತೋರ್ಪಡಿಕೆ ಇಲ್ಲದ ಜೀವಗಳು. ಅದಕ್ಕೆ ಅಲ್ಲವೆ ಹಿರಿಯರು ಹೇಳಿದ್ದ ನಡತೆ ವಂಶದ ಬಿಂಬವೆಂದು. ತಂದೆ ಹೋಲುವ ಕಂದಮ್ಮಗಳು’ ಎಂದು ಜಗ್ಗೇಶ್ ಅಣ್ಣಾವ್ರ ಮಕ್ಕಳ ಬಗ್ಗೆ ಹೊಗಳಿದ್ದಾರೆ.
