ರವಿಚಂದ್ರನ್ ರವರ ಸೂಚನೆ ಮೇರೆಗೆ ಸೀಜರ್ ಚಿತ್ರದ ಡೈಲಾಗ್ ಗೆ ಕತ್ತರಿ ಹಾಕಿದ ನಿರ್ದೇಶಕ

ಬೆಂಗಳೂರು : ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯಿಸಿದ ‘ಸೀಜರ್’ ಚಿತ್ರದ ಡೈಲಾಗ್ ಒಂದರ  ಬಗ್ಗೆ ಭಾರೀ ವಿರೋಧ ವ್ಯಕ್ತವಾಗಿದ್ದ ಹಿನ್ನಲೆಯಲ್ಲಿ ಇದೀಗ ಚಿತ್ರದಿಂದ ಆ ಡೈಲಾಗ್ ಅನ್ನು ತೆಗೆಯುವ ನಿರ್ಧಾರ ಚಿತ್ರತಂಡ ಮಾಡಿದೆ.

ಹೌದು. ಸೀಜರ್ ಚಿತ್ರದಲ್ಲಿ ರವಿಚಂದ್ರನ್ ಅವರು ಹೇಳಿರುವ ‘ಗೋ ಹತ್ಯೆ ಮಾಡೋದು, ಹೆತ್ತ ತಾಯಿನಾ ತಲೆ ಹಿಡಿಯೋದು ಎರಡೂ ಒಂದೇ' ಎಂಬ ಡೈಲಾಗ್ ಬಗ್ಗೆ ಅನೇಕರು ವಿರೋಧ ವ್ಯಕ್ತಪಡಿಸಿದ್ದರು. ಈ ಚಿತ್ರದಲ್ಲಿ ವಿಲನ್ ಪಾತ್ರದಲ್ಲಿ ನಟಿಸಿದ ಪ್ರಕಾಶ್ ರೈ ಅವರು ಕೂಡ ಈ ಡೈಲಾಗ್ ಕುರಿತಾಗಿ ಆಕ್ಷೇಪಣೆ ಮಾಡಿದ್ದು ನಿರ್ದೇಶಕ ವಿನಯ್ ಕೃಷ್ಣ ಅವರಿಗೆ ಬೇಸರವನ್ನುಂಟು ಮಾಡಿದ್ದಲ್ಲದೇ ಆ ಡೈಲಾಗ್ ಅನ್ನು ತೆಗೆದು ಹಾಕುವುದಿಲ್ಲವೆಂದು ಖಡಕ್ ಆಗಿ ಹೇಳಿದ್ದರು. ಆದರೆ ಇದೀಗ ರವಿಚಂದ್ರನ್ ಅವರೇ ಆ ಸಂಭಾಷಣೆ ಕಿತ್ತು ಹಾಕುವಂತೆ ಸೂಚಿಸಿದ್ದಾರೆ. ಇದರಿಂದಾಗಿ ನಿರ್ದೇಶಕರು ಅದನ್ನು ತೆಗೆದುಹಾಕುವ ನಿರ್ಧಾರ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ