‘ಆಯುಷ್ಮಾನ್ ಭವ’ ಸಿನಿಮಾದಲ್ಲಿ ತುಳು ಹಾಡು! ಇದು ಗುರುಕಿರಣ್ ಸ್ಪೆಷಲ್!

ಬೆಂಗಳೂರು: ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಅಭಿನಯದ ಆಯುಷ್ಮಾನ್ ಭವ ಸಿನಿಮಾ ನವಂಬರ್ 15 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ಈ ಸಿನಿಮಾದ ಹಾಡೊಂದು ಇಂದು ಸಂಜೆ 5 ಗಂಟೆಗೆ ಬಿಡುಗಡೆಯಾಗುತ್ತಿದೆ. ಈ ಹಾಡು ತುಳು ಭಾಷೆಯ ಸಾಲಿನಿಂದ ಆರಂಭವಾಗುತ್ತಿರುವುದು ವಿಶೇಷ. ‘ತೆಂಬರೆ ಬೊಟ್ಟುವನಾ’ ಎಂದು ತುಳು ಭಾಷೆಯಲ್ಲಿ ಆರಂಭವಾಗುವ ಸಾಲು ಈ ಹಾಡಿನಲ್ಲಿದೆ.

ಇದು ಗುರುಕಿರಣ್ ಪಾಲಿಗೆ 100 ನೇ ಸಂಗೀತ ನಿರ್ದೇಶನದ ಸಿನಿಮಾವಾಗಿದ್ದು, ಇದಕ್ಕಾಗಿ ತಮ್ಮ ಮಾತೃಭಾಷೆ ತುಳುವಿಗೆ ಗೌರವ ಸಲ್ಲಿಸುತ್ತಿದ್ದಾರೆ. ಈ ಹಾಡಿನ ಬಗ್ಗೆ ಕುತೂಹಲವಿದ್ದರೆ ಇಂದು ಸಂಜೆಯವರೆಗೆ ಕಾಯಲೇಬೇಕು.