ಮತ್ತೆ ಗಾಳಿಪಟ ಹಾಡಿನ ಮೋಡಿ ಮಾಡಲಿರುವ ಗಣೇಶ್, ದಿಗಂತ್

ಬೆಂಗಳೂರು: ಯೋಗರಾಜ್ ಭಟ್ ನಿರ್ದೇಶನದ ಗಾಳಿಪಟ 2 ಸಿನಿಮಾ ಚಿತ್ರೀಕರಣ ಭರದಿಂದ ಸಾಗಿದೆ. ಈ ನಡುವೆ ಚಿತ್ರತಂಡ ಎಕ್ಸ್ ಕ್ಲೂಸಿವ್ ಮೇಕಿಂಗ್ ಚಿತ್ರವೊಂದನ್ನು ಹರಿಯಬಿಟ್ಟಿದೆ.

ಗಾಳಿಪಟ ಸಿನಿಮಾದಲ್ಲಿ ‘ನನ್ನೈನನೈ...ಗಾ...ಳಿಪಟ’ ಎಂದು ಗಣೇಶ್, ದಿಗಂತ್, ರಾಜೇಶ‍್ ಕೃಷ್ಣನ್ ಕುಣಿದಿದ್ದು ನಿಮಗೆಲ್ಲಾ ನೆನಪಿರಬಹುದು. ಆ ಹಾಡು ಇಂದಿಗೂ ಜನಪ್ರಿಯವಾಗಿದೆ.

ಅಂತಹದ್ದೇ ಮತ್ತೊಂದು ಹಾಡು ಗಾಳಿಪಟ 2 ರಲ್ಲೂ ಇರಲಿದ್ದು, ಈ ಹಾಡಿಗೆ ಮತ್ತೆ ಗಣೇಶ್, ದಿಗಂತ್ ಜತೆಗೆ ಮತ್ತೊಬ್ಬ ನಾಯಕ ಪವನ್ ಹೆಜ್ಜೆ ಹಾಕಿದ್ದಾರೆ. ಹಾಡಿನ ಚಿತ್ರೀಕರಣದ ಫೋಟೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.