ಬೆಂಗಳೂರು: ಗೋಲ್ಡನ್ ಸ್ಟಾರ್ ಗಣೇಶ್ ನಾಯಕರಾಗಿ ನಟಿಸಿದ್ದ ಯೋಗರಾಜ್ ಭಟ್ ನಿರ್ದೇಶನದ ಗಾಳಿಪಟ 2008 ರಲ್ಲಿ ಬಿಡುಗಡೆಯಾಗಿ ಭರ್ಜರಿ ಹಿಟ್ ಆಗಿತ್ತು. ಅದೇ ಟೈಟಲ್ ಇಟ್ಟುಕೊಂಡು ಭಟ್ಟರು ಮತ್ತು ಗಣೇಶ್ ಜೋಡಿ ಮತ್ತೊಂದು ಸಿನಿಮಾ ಮಾಡುತ್ತಿದೆ.
ಅದೇ ಟೀಂ ಗಾಳಿಪಟ 2 ಎಂಬ ಸಿನಿಮಾ ಈಗಾಗಲೇ ಆರಂಭಿಸಿದೆ. ಕುದುರೆಮುಖದ ಪ್ರಕೃತಿ ತಾಣದಲ್ಲಿ ಈಗಾಗಲೇ ಚಿತ್ರೀಕರಣ ಭರದಿಂದ ಸಾಗುತ್ತಿದೆ.
ಆದರೆ ಅಂದಿನ ಗಾಳಿಪಟ ಕತೆಯ ಮುಂದುವರಿದ ಭಾಗ ಇದಲ್ಲ ಎಂದು ಚಿತ್ರತಂಡ ಸ್ಪಷ್ಟಪಡಿಸಿದೆ. ಆ ಗಾಳಿಪಟ ಸಿನಿಮಾಗೂ ಈ ಗಾಳಿಪಟ ಸಿನಿಮಾ ಕತೆಗೂ ಸಂಬಂಧವಿಲ್ಲ. ಆದರೆ ಅಂತಹದ್ದೇ ಒಂದು ರೊಮ್ಯಾಂಟಿಕ್ ಕತೆ ಈ ಸಿನಿಮಾದಲ್ಲೂ ಇರಲಿದೆಯಂತೆ. ಹಾಗಾಗಿ ಅಂದಿನ ಕತೆಯನ್ನೇ ತಲೆಯಲ್ಲಿಟ್ಟುಕೊಂಡು ಏನೇನೋ ನಿರೀಕ್ಷೆ ಬೇಡ ಎಂದು ಚಿತ್ರತಂಡ ಮೊದಲೇ ವಾಸ್ತವಾಂಶ ಹೇಳಿದೆ.