ಬೆಂಗಳೂರು: ಕಿರಿಕ್ ಪಾರ್ಟಿಯಲ್ಲಿ ಬೆಳಗೆದ್ದು ಯಾರ ಮುಖವಾ ಹಾಡು ಆ ಸಿನಿಮಾ ಬಗ್ಗೆ ಕುತೂಹಲ ಹುಟ್ಟುವಂತೆ ಮಾಡಿತ್ತು. ಆ ಹಾಡಿನ ಮೋಡಿಯನ್ನು ಮತ್ತೆ ಮಾಡಲು ಹೊರಟಿದ್ದಾರೆ ರಕ್ಷಿತ್ ಶೆಟ್ಟಿ.
ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅಭಿನಯದ ಅವನೇ ಶ್ರೀಮನ್ನಾರಾಯಣ ಸಿನಿಮಾಗೂ ಅಜನೀಶ್ ಬಿ ಅವರದ್ದೇ ಸಂಗೀತ. ಅಂದು ಬೆಳಗೆದ್ದು ಹಾಡು ಮಾಡಿದ್ದ ಅಜನೀಶ್ ಮತ್ತೆ ವಿಜಯ್ ಪ್ರಕಾಶ್ ಕಾಂಬಿನೇಶನ್ ಇಂದು ‘ಅವನೇ..’ ಸಿನಿಮಾಗಾಗಿ ಮಾಡಿದ ಮೊದಲ ಹಾಡು ಇಂದು ರಿಲೀಸ್ ಆಗುತ್ತಿದೆ.
ವಿಜಯ್ ಪ್ರಕಾಶ್ ಅವನೇ ಶ್ರೀಮನ್ನಾರಾಯಣನಿಗಾಗಿ ಹಾಡಿದ ಮೊದಲ ಹಾಡನ್ನು ನಾಗಾರ್ಜುನ ಶರ್ಮಾ ಬರೆದಿದ್ದಾರೆ. ಅದೇ ಟೀಮ್ ಅಂದು ಮಾಡಿದ ಮ್ಯಾಜಿಕ್ ಮತ್ತೆ ಮಾಡುತ್ತಾ ಎಂದು ಕಾದುನೋಡಬೇಕು.