‘ಪಾಠಶಾಲ’ ಹಾಡಿಗೆ ಫಿದಾ ಆಗದವರು ಯಾರು ಹೇಳಿ?

ಬೆಂಗಳೂರು: ಇದು ಪಕ್ಕಾ ಈ ವರ್ಷದ ಸೂಪರ್ ಹಿಟ್ ಹಾಡಾಗುವುದರಲ್ಲಿ ಡೌಟೇ ಇಲ್ಲ..! ಯುವರತ್ನ ಸಿನಿಮಾದ ‘ಪಾಠಶಾಲ’ ಹಾಡು ಕೇಳಿದ ಫ್ಯಾನ್ಸ್ ಹೇಳಿದ್ದು ಹೀಗೆ.

ನಿನ್ನೆಯಷ್ಟೇ ಯುವರತ್ನ ಸಿನಿಮಾದ ಶಾಲೆ, ವಿದ್ಯೆಯ ಮಹತ್ವ ತಿಳಿಸುವ ‘ಪಾಠಶಾಲ’ ಹಾಡು ಬಿಡುಗಡೆಯಾಗಿದೆ. ಈ ಹಾಡಿನ ಮಾಧುರ್ಯಕ್ಕೆ ಮನಸೋತ ಅಭಿಮಾನಿಗಳು ಹಾಡಿ ಹೊಗಳಿದ್ದಾರೆ.

ಈ ಹಾಡು ಈ ವರ್ಷದ ಸೂಪರ್ ಹಿಟ್ ಆಗುತ್ತದೆ. ಈ ಹಾಡು ನಮ್ಮಂಥಾ ವಿದ್ಯಾರ್ಥಿಗಳಿಗೆ ಧ‍್ಯೇಯ ಗೀತೆಯಾಗಲಿದೆ ಎಂದು ಇನ್ನು ಕೆಲವರು ಕಾಮೆಂಟ್ ಮಾಡಿದ್ದಾರೆ.

ಇದಕ್ಕೂ ಮೊದಲು ಪುನೀತ್ ರಾಜಕುಮಾರ್ ಅವರ ರಾಜಕುಮಾರ ಸಿನಿಮಾದ ‘ಬೊಂಬೆ ಹೇಳುತೈತೆ’ ಎಂಬ ಹಾಡು ಎಲ್ಲಾ ವರ್ಗದ ಜನರಿಗೂ ಇಷ್ಟವಾಗಿತ್ತು. ಮತ್ತೆ ಅಂತಹದ್ದೇ ಒಂದು ಹಾಡು ಈ ಹಾಡಾಗಲಿದೆ ಎಂದು ಯುವರತ್ನ ಚಿತ್ರತಂಡ ಈ ಮೊದಲೇ ಹೇಳಿತ್ತು. ಅದರಂತೆ ತಮನ್ ಸಂಗೀತ ಸಂಯೋಜನೆಯಲ್ಲಿ ವಿಜಯ್ ಪ್ರಕಾಶ್ ಹಾಡಿರುವ ಈ ಹಾಡು ಎಲ್ಲರ ಮನಸ್ಸು ಗೆಲ್ಲುತ್ತಿದೆ.