ಮುಖ ಮುಚ್ಚಿಕೊಂಡು ಮಾರ್ಕೆಟ್ ನಲ್ಲಿ ಸಂಕ್ರಾಂತಿಗೆ ಖರೀದಿ ಮಾಡಿದ ದುನಿಯಾ ವಿಜಯ್

ಬೆಂಗಳೂರು: ಇಂದು ಸಂಕ್ರಾಂತಿ ಹಬ್ಬವಿದ್ದು, ಸ್ಯಾಂಡಲ್ ವುಡ್ ತಾರೆಯರೂ ತಮ್ಮ ಕುಟುಂಬದವರ ಜೊತೆ ಹಬ್ಬವನ್ನು ಜೋರಾಗಿಯೇ ಆಚರಿಸಿಕೊಳ್ಳುತ್ತಿದ್ದಾರೆ.

ತಾರೆಗಳು ಎಂದರೆ ಅವರೂ ಸಾಮಾನ್ಯರಂತೆಯೇ ಎಂಬುದನ್ನು ನಟ ದುನಿಯಾ ವಿಜಯ್ ತೋರಿಸಿಕೊಟ್ಟಿದ್ದಾರೆ. ದುನಿಯಾ

Photo Courtesy: Twitter

ವಿಜಯ್ ಸಂಕ್ರಾಂತಿ ಹಬ್ಬಕ್ಕಾಗಿ ಮಾರುಕಟ್ಟೆಗೆ ಹೋಗಿ ಬೇಕಾದ ವಸ್ತುಗಳನ್ನು ಖರೀದಿ ಮಾಡಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಮುಖಕ್ಕೆ ಮಾಸ್ಕ್ ತಲೆಗೊಂದು ಟೋಪಿ ಹಾಕಿಕೊಂಡು ಸಾಮಾನ್ಯರಂತೇ ದುನಿಯಾ ವಿಜಿ ಮಾರ್ಕೆಟ್ ಗೆ ತೆರಳಿದ್ದು, ಮನೆಗೆ ಬೇಕಾದ ಕಬ್ಬು, ಬೆಲ್ಲ ಇತ್ಯಾದಿಗಳನ್ನು ತಾವೇ ಚೌಕಾಸಿ ಮಾಡಿ ಖರೀದಿಸಿದ್ದಾರೆ.

ಮುಖ ಮುಚ್ಚಿಕೊಂಡಿದ್ದರಿಂದ ಅವರನ್ನು ಯಾರೂ ಗುರುತಿಸಿರಲಿಲ್ಲ. ಹಾಗಾಗಿ ಸಾಮಾನ್ಯನಾಗಿಯೇ ಹಬ್ಬದ ಶಾಪಿಂಗ್ ಮಾಡಿದ ಖುಷಿ ಅವರದ್ದಾಗಿತ್ತು. ಈ ರೀತಿ ಅನೇಕ ತಾರೆಯರು ಮಾರ್ಕೆಟ್ ಗೆ ಬರುತ್ತಿರುತ್ತಾರೆ. ನಟ ಶರಣ್ ಆಗಾಗ ಮಾರ್ಕೆಟ್ ಗೆ ಇದೇ ರೀತಿ ಮಾಸ್ಕ್ ಹಾಕಿಕೊಂಡು ಬಂದು ಮನೆಗೆ ಬೇಕಾದ ಫ್ರೆಶ್ ತರಕಾರಿ ಕೊಂಡೊಯ್ಯುತ್ತಾರಂತೆ.