ನನ್ನ ಮತ್ತೊಂದು ಕುಟುಂಬ ಎಂದ ನಟ ರವಿಚಂದ್ರನ್

ಬೆಂಗಳೂರು: ಕ್ರೇಜಿಸ್ಟಾರ್ ರವಿಚಂದ್ರನ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ, ಮಲಯಾಳಂ ದೃಶ್ಯಂ 2 ಸಿನಿಮಾ ರಿಮೇಕ್ ದಶ್ಯ 2 ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ.

ಈ ಹಿನ್ನಲೆಯಲ್ಲಿ ಚಿತ್ರತಂಡ ಪತ್ರಿಕಾಗೋಷ್ಠಿ ಆಯೋಜಿಸಿತ್ತು. ಈ ವೇಳೆ ರವಿಚಂದ್ರನ್, ನಿರ್ದೇಶಕ ಪಿ. ವಾಸು ಚಿತ್ರೀಕರಣದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.

ಈ ಸಿನಿಮಾ ಮತ್ತು ಚಿತ್ರತಂಡದ ಬಗ್ಗೆ ತಮಗಿರುವ ವಿಶೇಷ ಒಲವನ್ನು ರವಿಚಂದ್ರನ್ ಹಂಚಿಕೊಂಡಿದ್ದಾರೆ. ನನಗೆ ಇದು ಮತ್ತೊಂದು ಕುಟುಂಬವಿದ್ದಂತೆ. ಹಾಗಂತ ನಾನು ಸುಮ್ಮನೇ ಬಾಯಿ ಮಾತಿಗೆ ಹೇಳುತ್ತಿಲ್ಲ. ನಿಜವಾಗಿಯೂ ಈ ಸಿನಿಮಾ ತಂಡದಲ್ಲಿ ಕೆಲಸ ಮಾಡಿದ್ದಕ್ಕೆ ಖುಷಿಯಿದೆ. ನಾಳೆಯಿಂದ ಶೂಟಿಂಗ್ ಇಲ್ಲ, ಇವರೆಲ್ಲರನ್ನೂ ಭೇಟಿಯಾಗಲು ಸಾಧ‍್ಯವಾಗುತ್ತಿಲ್ಲ ಎನ್ನುವುದೇ ಬೇಜಾರು ಎಂದಿದ್ದಾರೆ.

ಇನ್ನು, ನಾಯಕಿ ನವ್ಯಾ ನಾಯರ್ ಕೂಡಾ ಇದೇ ಮಾತನ್ನು ಹೇಳಿದರು. ನಾನು ಈ ತಂಡವನ್ನು ಮಿಸ್ ಮಾಡಿಕೊಳ್ಳಲಿದ್ದೇನೆ ಎಂದರು. ಇನ್ನು, ರವಿಚಂದ್ರನ್ ಸರ್ ಜೊತೆಗೆ ಕೆಲಸ ಮಾಡಿದ್ದು, ತುಂಬಾ ಖುಷಿಯಾಗಿದೆ. ಮುಂದೊಂದು ದಿನ ರವಿಚಂದ್ರನ್ ಸರ್ ಜೊತೆ ಉತ್ತಮ ಪಾತ್ರ ಸಿಕ್ಕರೆ ಖಂಡಿತಾ ಮತ್ತೆ ನಟಿಸುತ್ತೇನೆ ಎಂದರು.