ಅಭಿಮಾನಿ ಮಕ್ಕಳಿಂದ ಡಾ.ವಿಷ್ಣುವರ್ಧನ್ 7ನೇ ಪುಣ್ಯಸ್ಮರಣೆ

ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರು ಅಪಾರ ಅಭಿಮಾನಿ ಬಳಗವನ್ನು ತೊರೆದು ಆಗಲೇ ಏಳು ವರ್ಷಗಳಾಗುತ್ತಿದೆ. ಆದರೂ ಅವರ ನೆನಪು ಮಾತ್ರ ಮಾಸಿಲ್ಲ. ಅವರ ಹೆಸರಿನಲ್ಲಿ ಸಾಕಷ್ಟು ಜನಪರ ಕೆಲಸಗಳು ನಡೆಯುತ್ತಿವೆ. 

ಇದೀಗ ಡಾ.ವಿಷ್ಣು ಸೇನಾ ಸಮಿತಿ ಅವರ ಪುಣ್ಯ ಸ್ಮರಣೆಯನ್ನು ಭಿನ್ನವಾಗಿ ಆಚರಿಸಲು ಮುಂದಾಗಿದೆ. ಇದೇ ಡಿಸೆಂಬರ್ 30ರಂದು ಬೆಳಗ್ಗೆ 6 ರಿಂದ ಸಂಜೆ 6ರವರೆಗೆ ಅಭಿಮಾನ್ ಸ್ಟುಡಿಯೋದಲ್ಲಿ ”ನಿನ್ನಂತರಂಗವ ಯಾರೇನು ಬಲ್ಲರು?" ನುಡಿನಮನ ವಿಶೇಷ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಮೈಸೂರು ಮಾತ್ರವಲ್ಲ ನಾಡಿನ ಪ್ರತಿ ಜಿಲ್ಲೆಯಲ್ಲೂ ಡಾ.ವಿಷ್ಣು ಹೆಸರುಳಿಸುವ ಕೆಲಸಗಳಾಗಲಿ. ಯಾವ ಅಭಿಮಾನಿಯೂ ಅದನ್ನು ವಿರೋಧಿಸುವುದಿಲ್ಲ. ಆದರೆ ಡಾ.ವಿಷ್ಣು ಪುಣ್ಯಭೂಮಿ ಮಾತ್ರ ಅಭಿಮಾನ್ ಸ್ಟುಡಿಯೋದಲ್ಲೇ ಇರಲಿ ಎಂಬುದು ನಮ್ಮ ಅಭಿಮಾನದ ಕೂಗು. ದಯಮಾಡಿ ತೊಂದರೆ ಕೊಡಬೇಡಿ ಎಂದು ವಿಷ್ಣುಸೇನಾ ಸಮಿತಿ ಪ್ರಕಟಿಸಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.