ಪೂಜಾಗಾಂಧಿ ’ಜಿಲೇಬಿ’ ಆ ತರಹದ ಸಿನಿಮಾನಾ?

ಈ ಚಿತ್ರದ ಹೆಸರೇ ಒಂಥರಾ ತುಂಡ್‌ಹೈಕ್ಳಿಗೆ ಕಚಗುಳಿ ಇಡೋ ಹಂಗಿದೆ. ಸಾಕಷ್ಟು ಗ್ಯಾಪ್ ತಗೊಂಡು ಪೂಜಾಗಾಂಧಿ ಅಭಿನಯಿಸುತ್ತಿರುವ ಚಿತ್ರ ’ಜಿಲೇಜಿ’. ಹೆಸರು ಕೇಳಿದರೆ ಇದು ಆ ತರಹದ ಚಿತ್ರನಾ ಅನ್ನಿಸುತ್ತದೆ. 

ಯಾಕಂದ್ರೆ ಇತ್ತೀಚೆಗೆ ಈ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಅದನ್ನು ನೋಡಿದರೆ ಈ ರೀತಿಯ ಡೌಟು ಶುರುವಾಗುತ್ತೆ. ಇದು ವಯಸ್ಕರ ಸಿನಿಮಾ ಇರಬಹುದೇ ಎಂಬ ಗುಮಾನಿ ಕಾಡುತ್ತೆ. ಪೂಜಾಗಾಂಧಿ ಅಷ್ಟೊಂದು ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ ಜಿಲೇಬಿಯಲ್ಲಿ.

ಇದು ಪಕ್ಕಾ ವಯಸ್ಕರ ಸಿನಿಮಾ ಎಂದು ಸೆನ್ಸಾರ್ ಮಂಡಳಿ ಎ ಸರ್ಟಿಫಿಕೇಟ್ ಕೊಟ್ಟಿದೆ. ಲಕ್ಕಿ ಶಂಕರ್ ನಿರ್ದೇಶನದ ಈ ಚಿತ್ರದ ಡೈಲಾಗ್‍ಗಳು, ದೃಶ್ಯಗಳು ರೋಚಕವಾಗಿದ್ದು, ತುಂಡ್ ಹೈಕ್ಳಿಗೆ ಹೇಳಿ ಮಾಡಿಸಿದಂತಿದೆ.  ಈ ಹಿಂದೆ ಲಕ್ಕಿ ನೈಂಟಿ, ದೇವ್ರಾಣೆ, ಸಿಗರೇಟ್ ಚಿತ್ರಗಳನ್ನು ಲಕ್ಕಿ ಶಂಕರ್ ನಿರ್ದೇಶಿಸಿದ್ದಾರೆ.

ಈಗ ಜಿಲೇಜಿ ಎಂಬ ಪಕ್ಕಾ ಗ್ಲಾಮರ್ ಪ್ರಧಾನ ಸಿನಿಮಾ ಕೈಗೆತ್ತಿಕೊಂಡಿದ್ದು ಈ ಚಿತ್ರದಲ್ಲಿ ಪೂಜಾಗಾಂಧಿ ವೇಶ್ಯೆಯ ಪಾತ್ರದಲ್ಲಿ ಕಾಣಿಸಲಿದ್ದಾರೆ ಎಂಬ ಮಾತುಗಳು ಕೇಳಿಬಂದಿವೆ. ಯಶಸ್ ಸೂರ್ಯ ಚಿತ್ರದ ನಾಯಕ. ಟ್ರೇಲರ್‌ನಲ್ಲಿ ಒಂದಷ್ಟು ಹಾಟ್ ದೃಶ್ಯಗಳು ಬಿಟ್ಟರೆ ಇನ್ನೇನು ಸುಳಿವು ಕೊಡದೆ ಕುತೂಹಲ ಮೂಡಿಸಿದ್ದಾರೆ ಲಕ್ಕಿ ಶಂಕರ್. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.