ಚಿತ್ರರಂಗಕ್ಕೆ ಚಿರಂಜೀವಿ ಕುಟುಂಬದ ಮತ್ತೊಬ್ಬ ನಟ ಎಂಟ್ರಿ

ಹೈದರಾಬಾದ್: ಸಿನಿಮಾ ರಂಗಕ್ಕೆ ಯಾರೇ ಎಂಟ್ರಿಯಾದರು ಅವರ ಫ್ಯಾಮಿಲಿ ಸಹ ಅದೇ ರಂಗದಲ್ಲಿ ಮುಂದುವರೆಯುತ್ತೆ. ಇಂತಹ ಅನೇಕ ಉದಾಹರಣೆಗಳಿವೆ. ಈಗ ಟಾಲಿವುಡ್ ದೊಡ್ಡಮನೆ ಅಳಿಯ ಚಿತ್ರರಂಗಕ್ಕೆ ಹೊಸದಾಗಿ ಎಂಟ್ರಿ ಕೊಡ್ತಿದ್ದಾರೆ.

ಚಿರಂಜೀವಿ ಕುಟುಂಬದ ಅನೇಕರು ಚಿತ್ರಂರಂಗದಲ್ಲಿ ಮಿಂಚುತ್ತಿದ್ದಾರೆ. ಅದೇ ಫ್ಯಾಮಿಲಿಯ ಮತ್ತೊಬ್ಬರು ಚಿತ್ರರಂಗಕ್ಕೆ ಬರಲು ಪ್ರಿಪರೇಷನ್ ನಡೀತಿದ್ಯಂತೆ. ಚಿರಂಜೀವಿ ಕಿರಿಯ ಮಗಳು ಶ್ರೀಜಾ ಪತಿ ಕಲ್ಯಾಣ್ ಬಣ್ಣದ ಬದುಕಿಗೆ ಕಾಲಿಡುತ್ತಿದ್ದಾರೆ ಎಂಬ ಸುದ್ದಿ ಈಗಾಗಲೇ ಹರಿದಾಡ್ತಿದೆ.

ತಮ್ಮ ಅಳಿಯ ಕಲ್ಯಾಣ್ ಚಿತ್ರರಂಗಕ್ಕೆ ಬರೋದಕ್ಕೆ ಮಾವ ಮೆಗಾಸ್ಟಾರ್ ಚಿರಂಜೀವಿ ಸಹ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಂತೆ. ಚಿರಂಜೀವಿ, ಪವನ್ ಕಲ್ಯಾಣ್, ನಾಗೇಂದ್ರ ಬಾಬು, ಅಲ್ಲು ಅರ್ಜುನ್, ರಾಮ್ ಚರಣ್ ತೇಜಾ, ನಿಹರಿಕಾ ಕೊಂಡೇಲಾ, ವರುಣ್ ತೇಜಾ, ಸಾಯಿ ಧರಮ್ ತೇಜ, ಅಲ್ಲು ಅರವಿಂದ್, ಅಲ್ಲು ಸಿರಿಶ್ ಸೇರಿದಂತೆ ಹಲವರು ಸಿನಿರಂಗದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈಗ ಅಳಿಯನ ಸರದಿ ಬಂದಿದೆ. ಅಂದಹಾಗೆ ಸಿನಿಮಾ ರಂಗದಲ್ಲಿ ಮಿಂಚಲು ಕಲ್ಯಾಣ್ ಆ್ಯಕ್ಟಿಂಗ್ ಟ್ರೈನಿಂಗ್ ಪಡೀತಿದ್ದಾರಂತೆ.