ಕನ್ನಡಕ್ಕೆ ರಾಪ್ ಟಚ್ ಕೊಟ್ಟಂತ ಚಂದನ್ ಶೆಟ್ಟಿ ಈಗೇನು ಮಾಡ್ತಿದ್ದಾರೆ? "ಹಾಳಾಗೋದೆ" ಅಂತ ಶುರುವಾದ ಅವರ ರಾಪ್ ಜರ್ನಿ ಇದೀಗ ಇನ್ನೊಂದು ತಿರುವು ಪಡೆದುಕೊಳ್ಳಲು ಹೊರಟಿದೆ. ಚಂದನ್ ಶೆಟ್ಟಿ ಈಗ ಇನ್ನೊಂದು ಭರ್ಜರಿ ರ್ಯಾಪ್ ಸಾಂಗಿಗೆ ರೆಡಿಯಾಗ್ತಿದ್ದಾರೆ.
’3 ಪೆಗ್’ ಹಾಡಲ್ಲಿ ನಟಿ ಐಂದ್ರಿತಾ ರೇಯನ್ನ ಹಾಕ್ಕೊಂಡು ಕಿಕ್ ಕೊಟ್ಟಿದ್ದರು. ಮೂರೇ ಮೂರು ಪೆಗ್ಗೆ ತಲೆ ಗಿರಗಿರ ತಿರುಗಿದೆ ಎಂದು ಹಾಡಿ ಯುವಕರು ಕುಣಿಯುವಂತೆ ಮಾಡಿದ್ದರು. ಪಬ್ಬು ಬಾರುಗಳಲ್ಲಿ ಬರೀ ಇಂಗ್ಲಿಷ್ ರಾಪ್ ಹಾಡುಗಳನ್ನೇ ಕೇಳ್ತಿದ್ದ ಜನ ಈಗ ಕನ್ನಡ ರಾಪ್‌ಗೆ ತಲೆತೂಗುವಂತೆ ಮಾಡಿದ ಖ್ಯಾತಿ ಚಂದನ್‍ಗೆ ಸಲ್ಲುತ್ತದೆ.
ಅವರ ’3 ಪೆಗ್’ ಹಾಡು ಯೂಟ್ಯೂಬಲ್ಲಿ 50 ಲಕ್ಷ ಹಿಟ್ಸ್ ಪಡೆದುಕೊಂಡಿದೆ. ಇದೇ ಖುಷಿಯಲ್ಲಿ ಚಂದನ್ ಇನ್ನೊಂದು ರಾಪ್ ಸಾಂಗ್‌ಗೆ ರೆಡಿಯಾಗಿದ್ದಾರೆ. ಈ ಸಲ ಚಾಕೊಲೇಟ್ ಗರ್ಲ್ ಅಂತ ಹೆಸರಿಟ್ಟಿದ್ದಾರೆ. ಚಾಕೊಲೇಟ್ ಬಾಯ್ ಗೊತ್ತು ಆದರೆ ಗರ್ಲ್ ಯಾರು? ಅಂತೀರಾ?
ಆ ಗರ್ಲ್ ಹುಡುಕಾಟದಲ್ಲೇ ಇದ್ದಾರೆ ಚಂದನ್. ಚಾಕೊಲೇಟ್ ಗರ್ಲ್ ಸಿಕ್ಕಿದ ಕೂಡಲೆ ಶೂಟಿಂಗ್ ಶುರು ಮಾಡ್ತೀನಿ ಅಂದಿದ್ದಾರೆ. ಚಂದನ್ ಶೆಟ್ಟಿ ಹಾಡಲ್ಲಿ ಚಾಕೊಲೇಟ್ ಗರ್ಲ್ ಅನ್ನಿಸಿಕೊಳ್ಳುವ ಭಾಗ್ಯ ಯಾರಿಗೆ ಸಿಗಲಿದೆಯೋ ಅಂತ ರಾಪ್ ಪ್ರಿಯರು ಎದುರು ನೋಡ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
