‘100’ ಸಿನಿಮಾ ವೀಕ್ಷಿಸಲಿರುವ ಗೃಹ ಸಚಿವ ಅರಗ ಜ್ಞಾನೇಂದ್ರ

ಬೆಂಗಳೂರು: ರಮೇಶ್ ಅರವಿಂದ್ ನಿರ್ದೇಶಿಸಿ, ನಟಿಸಿರುವ ಸೈಬರ್ ಕ್ರೈಂ ಆಧಾರಿತ ಕತೆಯಿರುವ ‘100’ ಸಿನಿಮಾವನ್ನು ವೀಕ್ಷಿಸಲು ಗೃಹ ಸಚಿವ ಅರಗ ಜ್ಞಾನೇಂದ್ರಗೆ ಆಹ್ವಾನ ನೀಡಲಾಗಿದೆ.

ಸೈಬರ್ ಕ್ರೈಂ ಕುರಿತಾದ ಕತೆಯಿರುವ ಕಾರಣ ಈ ಸಿನಿಮಾ ಸಮಾಜಕ್ಕೆ ಒಳ್ಳೆಯ ಪಾಠವಾಗಲಿದೆ. ಒಂದು ಸಾಮಾನ್ಯ ಕುಟುಂಬ ಸೈಬರ್ ವಂಚನೆಗೊಳಗಾಗುವ ಕತೆ ಇದರಲ್ಲಿದೆ. ಹೀಗಾಗಿ ಈ ಸಿನಿಮಾವನ್ನು ಗೃಹ ಸಚಿವರಿಗೆ ತೋರಿಸಲು ಚಿತ್ರತಂಡ ನಿರ್ಧರಿಸಿದೆ.

ಇದಕ್ಕಾಗಿ ಖುದ್ದಾಗಿ ರಮೇಶ್ ಅರವಿಂದ್ ಮತ್ತು ತಂಡ ಗೃಹ ಸಚಿವರನ್ನು ಭೇಟಿಯಾಗಿ ಸಿನಿಮಾ ವೀಕ್ಷಿಸಲು ಆಹ್ವಾನ ನೀಡಿದ್ದಾರೆ. ನವಂಬರ್ 19 ರಂದು ಚಿತ್ರ ತೆರೆಗೆ ಬರುತ್ತಿದೆ.