ಸೆಕೆಂಡ್ ಇನ್ನಿಂಗ್ಸ್‌ಗೆ ರೆಡಿಯಾದ ಅನೂಪ್ ರೇವಣ್ಣ

ರಾಜಕಾರಣಿ ಎಚ್.ಎಂ ರೇವಣ್ಣ ಪುತ್ರ ಅನೂಪ್ ಚೊಚ್ಚಲ ಅಭಿನಯದ ’ಲಕ್ಷ್ಮಣ’ ತೆರೆ ಕಾಣುವ ಮುಂಚೆಯೇ ಶುರುವಾಗಿದ್ದ ಎಸ್ ನಾರಾಯಣ್ ನಿರ್ದೇಶನದ ಚಿತ್ರ ಪಂಟ. ಮೊದಲ ಪ್ರಯತ್ನದಲ್ಲಿಯೇ ಆರ್.ಚಂದ್ರುರಂಥಾ ಯಶಸ್ವಿ ನಿರ್ದೇಶಕನ ಜೊತೆ ಕೆಲಸ ಮಾಡಿರೋ ಅನೂಪ್ ಈಗ ಕಲಾಸಾಮ್ರಾಟ್ ಎಸ್.ನಾರಾಯಣ್ ನಿರ್ದೇಶನದ `ಪಂಟ’ ಚಿತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. 

ಈ ಚಿತ್ರ ಈ ವಾರ ರಾಜ್ಯಾದ್ಯಂತ ತೆರೆ ಕಾಣಲಿದೆ. ಎಸ್.ನಾರಾಯಣ್ ಪುತ್ರರಾದ ಪಂಕಜ್ ಹಾಗು ಪವನ್ ಈ ಚಿತ್ರದಲ್ಲಿ ಅಪ್ಪನಿಗೆ ಸಹಾಯಕರಾಗಿ ಕೆಲಸ ಮಾಡಿದ್ದಾರೆ. ಸುಬ್ರಮಣ್ಯಂ ಕೆ ನಿರ್ಮಾಣದ ಈ ಚಿತ್ರದಲ್ಲಿ ಅನೂಪ್ ರೇವಣ್ಣ ಅವರಿಗೆ ರಿತೀಕ್ಷಾ ನಾಯಕಿಯಾಗಿ ನಟಿಸಿದ್ದಾರೆ. 

ವಿಶ್ವ, ಆರ್ಸಿನ್, ಇಂದ್ರ ಕುಮಾರ್, ಕುಸ್ತಿ ರಮೇಶ್, ನೆಲಮಂಗಲ ಶಾಸಕ ಶ್ರೀನಿವಾಸಮೂರ್ತಿ ಮೊದಲಾದವರು ತಾರಾಗಣದಲ್ಲಿ ಇದ್ದಾರೆ. `ಪಂಟ' ಚಿತ್ರಕ್ಕೆ ಎಸ್ ನಾರಾಯಣ್ ಅವರ ಮೊದಲ ಪುತ್ರ ಪಂಕಜ್ ನಿರ್ದೇಶನದಲ್ಲಿ ಸಹಾಯಕರಾದರೆ, ದ್ವಿತೀಯ ಪುತ್ರ ಪವನ್ ಈ ಚಿತ್ರದ ಕಾರ್ಯಕಾರಿ ನಿರ್ಮಾಪಕರಾಗಿ ಅನುಭವ ಪಡೆದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.