ಸ್ಯಾಂಡಲ್‌ವುಡ್ ಕೃಷ್ಣ ಅಜಯ್ ರಾವ್ ಸ್ವಲ್ಪ ಟ್ರ್ಯಾಕ್ ಬದಲಾಯಿಸಿದಂತಿದೆ. ಏಕೆಂದರೆ ಇಷ್ಟು ದಿನ ಅವರು ಕೃಷ್ಣನ್ ಮ್ಯಾರೇಟ್ ಸ್ಟೋರಿ, ಲವ್ ಸ್ಟೋರಿಗಳಲ್ಲೇ ಹೆಚ್ಚಾಗಿ ಗುರುತಿಸಿಕೊಂಡವರು. ಈಗ ಅವರ ಹೊಸ ಚಿತ್ರ ದಂಡಯಾತ್ರೆ ಶುರುವಾಗಿದೆ.
ಸಾರಥಿ ಚಿತ್ರವನ್ನು ನಿರ್ಮಿಸಿದ್ದ ಸತ್ಯ ಪ್ರಕಾಶ್ ಈ ಚಿತ್ರಕ್ಕೆ ಕ್ಲಾಪ್ ಮಾಡುವ ಮೂಲಕ ಮೊದಲ ದೃಶ್ಯವನ್ನು ಸೆರೆಹಿಡಿದುಕೊಳ್ಳಲಾಗಿದೆ. ಸಂಜೀವ್ ಕೆ ಖಾಸನೀಸ ಚಿತ್ರದ ನಿರ್ಮಾಪಕರು. ಹರ್ಷ ಎಂಟರ್ ಟೇನ್ಮೆಂಟ್ ಲಿಮಿಟೆಡ್ ಲಾಂಛನದಲ್ಲಿ ಚಿತ್ರ ನಿರ್ಮಿಸಲಾಗುತ್ತಿದೆ.
ಹಲವಾರು ಚಿತ್ರಗಳಿಗೆ ಸಹಾಯಕರಾಗಿ ಕೆಲಸ ಮಾಡಿರುವ ವೇದಗುರು ಈ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾಗಿ ಬದಲಾಗುತ್ತಿದ್ದಾರೆ. ಕಥೆ, ಚಿತ್ರ ಸಹ ಅವರದೇ. ಸ್ಯಾಂಡಿ ಅವರ ಸಂಗೀತ ರಮ್ಮಿ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ. ಶೀಘ್ರದಲ್ಲೇ ಚಿತ್ರೀಕರಣ ಆರಂಭವಾಗಲಿದೆ. ಚಿತ್ರದ ಉಳಿದ ಪಾತ್ರವರ್ಗದ ವಿವರಳು ಶೀಘ್ರದಲ್ಲೇ ಹೊರಬೀಳಲಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
