ಬಾಹುಬಲಿ ನಂತರ ಪ್ರಭಾಸ್ ಸಂಭಾವನೆ ಗಗನಕ್ಕೆ!

ಹೈದರಾಬಾದ್: ಬಾಹುಬಲಿ ಸಿನಿಮಾ ಕೋಟಿಗಟ್ಟಲೆ ಬಾಚಿದ ಬೆನ್ನಲ್ಲೇ ನಾಯಕ ಪ್ರಭಾಸ್ ಸಂಭಾವನೆ ಮೀರ್ ಸರಕ್ಕನೆ ಮೇಲೇರಿದೆ. ಇದೀಗ ಅವರು ನಿರ್ಮಾಪಕರಿಗೆ ನಿಜಕ್ಕೂ ನಿಲುಕದ ತಾರೆಯಾಗಿದ್ದಾರೆ.

ಬಾಹುಬಲಿ ಸಿನಿಮಾಗಾಗಿ ಐದು ವರ್ಷ ಮೀಸಲಿರಿಸಿದ್ದ ಪ್ರಭಾಸ್ 25 ಕೋಟಿ ಜೇಬಿಗಿಳಿಸಿದ್ದರು. ಇದೀಗ ಆ ಚಿತ್ರದ ಯಶಸ್ಸಿನ ನಂತರ ತಮ್ಮ ಸಂಭಾವನೆಯನ್ನು ಮತ್ತೆ 5 ಕೋಟಿಗೆ ಏರಿಸಿದ್ದಾರಂತೆ. ಅಂದರೆ ಇನ್ನು ಪ್ರಭಾಸ್ ಹಾಕಿಕೊಂಡು ಸಿನಿಮಾ ಮಾಡುವವರು ಬರೋಬ್ಬರಿ 30 ಕೋಟಿ ರೂ. ಗಂಟು ತೆಗೆದುಕೊಂಡೇ ಅವರ ಮನೆ ಬಾಗಿಲು ತಟ್ಟಬೇಕು.

ಅಷ್ಟಕ್ಕೂ ಬಾಹುಬಲಿಗಾಗಿ ಅವರು ಐದು ವರ್ಷ ವ್ಯಯಿಸಿದ್ದಾರೆ. ಅಷ್ಟು ಮಾಡಿದ ಮೇಲೆ ನಿರ್ಮಾಪಕರಿಗೆ ಇನ್ನಿಲ್ಲದ ಯಶಸ್ಸು ತಂದುಕೊಟ್ಟಿದ್ದಾರೆ. ಹೀಗಿರುವಾಗ ಅಷ್ಟು ಸಂಭಾವನೆ ಕೇಳುವುದರಲ್ಲಿ ತಪ್ಪೇನು ಎಂದು ಅವರ ಆಪ್ತ ಮೂಲಗಳು ಪ್ರಶ್ನಿಸಿವೆ.

ತಪ್ಪೇನೂ ಇಲ್ಲ ಸ್ವಾಮಿ.. ಆದರೆ ಅವರನ್ನು ಹಾಕಿಕೊಂಡು ಸಿನಿಮಾ ಮಾಡುವವರು ಇನ್ನು ಗಟ್ಟಿ ಕುಳಗಳೇ ಆಗಿರಬೇಕು. ಜತೆಗೆ ಪಕ್ಕಾ ಹಿಟ್ ಕತೆಯೊಂದಿಗೇ ಸಿನಿಮಾ ಮಾಡಬೇಕು. ಇಲ್ಲದಿದ್ದರೆ ಉಳಿಗಾಲವಿಲ್ಲ!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ