ನಟಿ ನಯನತಾರಾ ಸದ್ಯಕ್ಕೆ ದಕ್ಷಿಣದ ಟಾಪ್ ಹೀರೋಯಿನ್‌ಗಳಲ್ಲಿ ಒಬ್ಬರು. ಸ್ಟಾರ್ ಹೀರೋಗಳಿಂದ ಹಿಡಿದು ಹೊಸಬರ ತನಕ ಎಲ್ಲರೂ ಕೋರಿಕೊಳ್ಳುವಂತಹ ಬೆಡಗಿ ನಯನತಾರಾ. ಆದರೆ ಇತ್ತೀಚಿನ ದಿನಗಳಲ್ಲಿ ಮಹಿಳಾ ಪ್ರಧಾನ ಚಿತ್ರಗಳಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ ನಯನಿ.
ಅಂತಹದ್ದೇ ಮಹಿಳಾ ಪ್ರಧಾನ ಚಿತ್ರ ಕೊಲೈಯುದಿರ್ ಕಾಲಂ. ಈ ಚಿತ್ರದ ಶೂಟಿಂಗ್ ಲಂಡನ್‌ನಲ್ಲಿ ನಡೆಯುತ್ತಿದ್ದು, ನಯನತಾರಾ ಅಲ್ಲೇ ಠಿಕಾಣಿ ಹೂಡಿದ್ದಾರೆ. ಈ ಚಿತ್ರದ ಮೂಲಕ ಖ್ಯಾತ ಸಂಗೀತ ನಿರ್ದೇಶಕ ಯುವನ್ ಶಂಕರ್ ರಾಜಾ ನಿರ್ಮಾಪಕರಾಗಿ ಬದಲಾಗುತ್ತಿದ್ದಾರೆ.
ಪ್ರಮುಖ ಬಾಲಿವುಡ್ ನಿರ್ಮಾಪಕ ವಾಸು ಬದ್ಮಾನಿ ಜತೆಗೆ ಕೈಜೋಡಿಸಿ ತಮ್ಮ ಪೂಜಾ ಫಿಲಂಸ್ ಲಾಂಛನದಲ್ಲಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ ಯುವನ್ ಶಂಕರ್ ರಾಜಾ. ಕಮಲ್ ಹಾಸನ್ ಅವರೊಂದಿಗೆ ಉನ್ನೈಪೋಲ್ ಒರುವನ್, ಅಜಿತ್ ಜತೆಗೆ ಬಿಲ್ಲಾ 2 ಚಿತ್ರಗಳಿಗೆ ಆಕ್ಷನ್ ಕಟ್ ಹೇಳಿರುವ ಚಕ್ರಿ ತೋಲೇಟಿ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
