ಪ್ರಭುದೇವಾ ವಿಚಾರದಲ್ಲಿ ತಮಾಷೆ ಮಾಡಲು ಹೋಗಿ ಫಜೀತಿಗೆ ಸಿಲುಕಿಕೊಂಡ ನಟಿ ನಿಕೇಶಾ ಪಟೇಲ್

ಬೆಂಗಳೂರು : ಕನ್ನಡದ ವರದನಾಯಕ ಚಿತ್ರದಲ್ಲಿ ನಟಿಸಿದ ನಟಿ ನಿಕೇಶಾ ಪಟೇಲ್ ಅವರು ತಮಾಷೆ ಮಾಡಲು ಹೋಗಿ ಇದೀಗ ಫಜೀತಿಗೆ ಸಿಲುಕಿಕೊಂಡಿದ್ದಾರೆ.

ಚಿತ್ರೀಕರಣ ಸುದ್ದಿಗೋಷ್ಠಿ ಸಂದರ್ಭದಲ್ಲಿ ನಿಕಾಶ ಪಟೇಲ್ ಅವರು ತಮಾಷೆಗಾಗಿ ಭಾರತೀಯ ಚಿತ್ರರಂಗದ ಖ್ಯಾತ ನೃತ್ಯ ನಿರ್ದೇಶಕ ಪ್ರಭುದೇವಾ ಅವರನ್ನು ವಿವಾಹವಾಗುವ ಆಸೆಯನ್ನು ವ್ಯಕ್ತಪಡಿಸಿದ್ದರು. ಈ ಮಾತು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿ ಪ್ರಭುದೇವ ಅವರನ್ನು ನಿಕೇಶಾ ಮದುವೆಯಾಗುತ್ತಾರೆ ಎಂಬುದಾಗಿ ವದಂತಿ ಹಬ್ಬಿತ್ತು. ಆದಕಾರಣ ಮಾಧ್ಯಮದವರು ಹತ್ತಾರು ಬಾರಿ ಈಕೆಗೆ ಕರೆ ಮಾಡಿ ಪ್ರಭುದೇವ ಹಾಗೂ ನಿಮ್ಮ ನಡುವಿನ ಸಂಬಂಧವನ್ನು ತಿಳಿಸಿ ಎಂದು ಅವರ ತಲೆ ತಿನ್ನಲು ಶುರುಮಾಡಿದ್ದಾರೆ.

ಇದರಿಂದ ರೋಸಿಹೋದ ನಟಿ ನಿಕಾಶ ಪಟೇಲ್ ಅವರು ಸಾಮಾಜಿಕ ಮಾಧ್ಯಮಗಳಲ್ಲಿ ‘ಯಾವುದೋ ಒಂದು ಸಂದರ್ಭದಲ್ಲಿ ತಮಾಷೆಯಾಗಿ ಹೇಳಿದ್ದು ನಿಜ. ನಾನು ಪ್ರಭುದೇವ ಅವರನ್ನು ಮದುವೆಯಾಗುತ್ತಿಲ್ಲ. ಸುದ್ದಿ ಸಂಪೂರ್ಣ ಸುಳ್ಳು. ಸದ್ಯ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು ಅದು ಬಿಟ್ಟರೆ ನನಗೆ ಕುಟುಂಬದೊಂದಿಗೆ ಹೆಚ್ಚು ಕಾಲ ಕಳೆಯುತ್ತೇನೆ’ ಎಂದು ತಿಳಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ