ಮುಂಬೈ : ಬಾಲಿವುಡ್ ನಟಿ ಕರೀನಾ ಕಪೂರ್ ಅವರು ತಮ್ಮ ಹಾಟ್ ಎಂಡ್ ಬೋಲ್ಡ್ ಅವತಾರದ ಬಗ್ಗೆ ಟ್ರೋಲ್ ಮಾಡಿದವರಿಗೆ ಇದೀಗ ಸಂದರ್ಶನವೊಂದರಲ್ಲಿ ಖಡಕ್ ಉತ್ತರ ನೀಡಿದ್ದಾರೆ.
ನಟಿ ಕರೀನಾ ಅವರು 'ವೀರೇ ದಿ ವೆಡ್ಡಿಂಗ್' ಚಿತ್ರದಲ್ಲಿ ಹಾಗೂ ಚಿತ್ರದ ಪ್ರಮೋಷನ್ ವೇಳೆ ಶಾರ್ಟ್ ಡ್ರೆಸ್ ಧರಿಸಿ ಸಖತ್ ಗ್ಲಾಮರಸ್ ಆಗಿ ಕಾಣುತ್ತಿದ್ದರು. ಈ ಬಗ್ಗೆ ಸಾಮಮಾಜಿಕ ಜಾಲತಾಣದಲ್ಲಿ ಕೆಲವರು ಟ್ರೋಲ್ ಮಾಡಿದ್ದಾರೆ. ಒಂದು ಮಗುವಿನ ತಾಯಿ ನೀವು. ಡ್ರೆಸ್ ಬಗ್ಗೆ ಗಮನವಿರಲಿ ಎಂದು ಟೀಕಿಸಿದ್ದಾರೆ.
ಇದಕ್ಕೆ ಕರೀನಾ ಕಪೂರ್ ಅವರು ಸಂದರ್ಶನವೊಂದರಲ್ಲಿ ಪಾ,ಲ್ಗೊಂಡಿದ್ದ ವೇಳೆ ತಾಯಿಯಾದವಳಿಗೆ ಅಂತಾನೇ ಸ್ಪೇಷಲ್ ಡ್ರೆಸ್ ಇದ್ಯಾ ಎಂದು ಪ್ರಶ್ನೆ ಮಾಡಿದ್ದಾರೆ. ಹಾಗೇ ‘ತನಗೆ ಇಷ್ಟವಾಗುವ ಬಟ್ಟೆ ತೊಡುವ ಅಧಿಕಾರ ಪ್ರತಿಯೊಬ್ಬರಿಗೂ ಇದೆ. ನನ್ನ ತಾಯಿ ಈಗ್ಲೂ ಜೀನ್ಸ್ ಹಾಗೂ ಟೀ ಶರ್ಟ್ ಹಾಕ್ತಾರೆ. ಅತ್ತೆ ಕೂಡ ಜೀನ್ಸ್ ನಲ್ಲಿ ಸುಂದರವಾಗಿ ಕಾಣ್ತಾರೆ. ಸೀರೆಯನ್ನು ಕೂಡ ಅವ್ರು ಸಂಭಾಳಿಸ್ತಾರೆ. ನಾನು ಒಂದು ಮಗುವಿನ ತಾಯಿ. ಹಾಗಾಗಿ ನಾನು ಚಿಕ್ಕ ಬಟ್ಟೆ ಧರಿಸಬಾರದು ಎಂಬ ನಿಯಮವೇನಿಲ್ಲ. ನನಗೆ ಸರಿ ಹೊಂದುವ ಬಟ್ಟೆಯನ್ನು ನಾನು ಧರಿಸ್ತೇನೆ’ ಎಂದು ಖಡಕ್ ಆಗಿ ಉತ್ತರಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ