ನಟ ಪೃಥ್ವಿರಾಜ್ ವಿರುದ್ಧ ಅಭಿಮಾನಿಗಳು ಕೆರಳಿದ್ದೇಕೆ?

ಕೊಚ್ಚಿ: ಮಲಯಾಳಂ ಸ್ಟಾರ್ ನಟ ಪೃಥ್ವಿರಾಜ್ ವಿರುದ್ಧ ಅಭಿಮಾನಿಗಳು ತಿರುಗಿಬಿದ್ದಿದ್ದಾರೆ. ನಟನ ಹೊಸ ಸಿನಿಮಾ ‘ಕಡುವ’ದಲ್ಲಿ ಡೈಲಾಗ್ ಒಂದು ಅಭಿಮಾನಿಗಳನ್ನು ಕೆರಳಿಸಿದೆ.

ಶಾಜಿ ಕೈಲಾಶ್ ನಿರ್ದೇಶನದ ಕಡುವ ಸಿನಿಮಾವನ್ನು ಪೃಥ್ವಿರಾಜ್ ಸ್ವಂತ ಬ್ಯಾನರ್ ನಲ್ಲಿ ನಿರ್ಮಿಸಿದ್ದರು. ಈ ಸಿನಿಮಾದಲ್ಲಿ ಪೋಷಕರ ತಪ್ಪಿನಿಂದ ಅಂಗವಿಕಲ ಮಕ್ಕಳು ಹುಟ್ಟುತ್ತಾರೆ ಎಂಬ ಡೈಲಾಗ್ ಇತ್ತು. ಈ ಡೈಲಾಗ್ ಅಂಗವಿಕಲ ಮಕ್ಕಳ ಪೋಷಕರ ಆಕ್ರೋಶಕ್ಕೆ ಕಾರಣವಾಗಿತ್ತು.

ಇದೀಗ ತಪ್ಪಿನ ಅರಿವಾಗುತ್ತಿದ್ದಂತೇ ಶಾಜಿ ಕೈಲಾಶ್ ಹಾಗೂ ಪೃಥ್ವಿರಾಜ್ ಸೋಷಿಯಲ್ ಮೀಡಿಯಾ ಮೂಲಕ ಬಹಿರಂಗವಾಗಿ ಕ್ಷಮೆ ಕೇಳಿದ್ದಾರೆ.