ನಟ ದಳಪತಿ ವಿಜಯ್ ಕೊನೆ ಸಿನಿಮಾದಲ್ಲಿ ಅಭಿನಯಿಸಲು ಶಿವಣ್ಣಗೆ ಆಫರ್‌, ಏನಂದ್ರು ಹ್ಯಾಟ್ರಿಕ್ ಹೀರೋ

Photo Courtesy X

ಎಚ್ ವಿನೋತ್ ಆ್ಯಕ್ಷನ್ ಕಟ್ ಹೇಳಲಿರುವ ತಮಿಳು ನಟ ವಿಜಯ್ ಅವರ ಕೊನೆ ಚಿತ್ರವಾದ 'ದಳಪತಿ 69' ಸಿನಿಮಾದಲ್ಲಿ ಪಾತ್ರ ಮಾಡಲು ನನ್ನನ್ನು ಅಪ್ರೋಚ್ ಮಾಡಿರುವುದಾಗಿ ನಟ ಶಿವರಾಜ್‌ಕುಮಾರ್ ಹೇಳಿದ್ದಾರೆ.

ಕನ್ನಡದಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿರುವ ಶಿವಣ್ಣ ಅವರು ತೆಲುಗು ಹಾಗೂ ತಮಿಳು ಸಿನಿಮಾರಂಗದಲ್ಲೂ ಸಿನಿಮಾ ಮಾಡುತ್ತಿದ್ದಾರೆ.

ಇದೀಗ ಇವರ ಅಭಿನಯದ ಭೈರತಿ ರಣಗಲ್ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದ್ದು, ಈ ಮಧ್ಯೆ ತಮ್ಮ ಆರೋಗ್ಯದ ಬಗ್ಗೆ ಅಭಿಮಾನಿಗಳಲ್ಲಿ ಶಿವರಾಜ್ ಕುಮಾರ್ ಹೇಳಿಕೊಂಡಿದ್ದಾರೆ. ನನ್ನ ಆರೋಗ್ಯದಲ್ಲಿ ಸಮಸ್ಯೆಯಿದೆ, ಚಿಕಿತ್ಸೆ ಪಡೆಯುತ್ತಿದ್ದೇನೆ. ಚಿಂತಿಸುವ ಅವಶ್ಯಕತೆಯಿಲ್ಲ. ಇದೀಗ ನಾನು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದೇನೆ ಎಂದಿದ್ದಾರೆ.

ಇದೀಗ ಶಿವಣ್ಣಗೆ ತಮಿಳಿನಿಂದ ಬಿಗ್ ಆಫರ್ ಬಂದಿರುವ ಬಗ್ಗೆ ಹೇಳಿಕೊಂಡಿದ್ದಾರೆ. ದಳಪತಿ ವಿಜಯ್ ಅವರು ನಟಿಸುವ ಕೊನೆ ಸಿನಿಮಾದಲ್ಲಿ ಅಭಿನಯಿಸಲು ನನ್ನನ್ನು ಅಪ್ರೋಚ್ ಮಾಡಲಾಗಿದೆ ಎಂದಿದ್ದಾರೆ.  

ಇತ್ತೀಚೆಗೆ ರೇಡಿಯೋ ಮಿರ್ಚಿಗೆ ನೀಡಿದ ಸಂದರ್ಶನದಲ್ಲಿ, ಶಿವರಾಜಕುಮಾರ್ ಅವರು ವಿಜಯ್ ಅವರ ಚಿತ್ರದಲ್ಲಿ ಸುಂದರವಾದ ಪಾತ್ರಕ್ಕಾಗಿ ನನ್ನನ್ನು ಸಂಪರ್ಕಿಸಿದ್ದಾರೆ, ಇದು ಆಸಕ್ತಿದಾಯಕವಾಗಿದೆ, ಆದರೆ ನನ್ನ ಡೇಟ್‌ಗಳಿಂದ ಅದು ಹೇಗೆ ರೂಪುಗೊಳ್ಳುತ್ತದೆ ಎಂದು ನನಗೆ ತಿಳಿದಿಲ್ಲ ಎಂದಿದ್ದಾರೆ.<>