ಕಿಚ್ಚ ಸುದೀಪ್ ಮೇಲಿನ ಅಭಿಮಾನದಿಂದ ಈ ಗ್ರಾಮಸ್ಥರು ಮಾಡಿದ್ದೇನು ಗೊತ್ತಾ?

ಬೆಂಗಳೂರು: ಕಿಚ್ಚ ಸುದೀಪ್ ಎಂದರೆ ಅದೆಷ್ಟೋ ಜನ ತಮ್ಮ ಮನೆ ಮಗನಂತೆ ಪ್ರೀತಿಸುವ ಅಭಿಮಾನಿಗಳಿದ್ದಾರೆ. ಇನ್ನು ಕೆಲವರು ಬೇರೆ ಬೇರೆ ರೀತಿಯಲ್ಲಿ ತಮ್ಮ ಪ್ರೀತಿ ವ್ಯಕ್ತಪಡಿಸುತ್ತಾರೆ. ಇಲ್ಲೊಂದು ಗ್ರಾಮಸ್ಥರು ಕಿಚ್ಚನ ಮೇಲಿನ ಅಭಿಮಾನ ವ್ಯಕ್ತಪಡಿಸಿದ್ದು ಹೇಗೆ ಗೊತ್ತಾ?

ಬಳ್ಳಾರಿ ಜಿಲ್ಲೆಯ ವದ್ದಟ್ಟಿ ಗ್ರಾಮದ ಜನ ಕಿಚ್ಚ ಸುದೀಪ್ ಮೇಲಿನ ಅಭಿಮಾನದಿಂದ ತಮ್ಮ ಗ್ರಾಮಕ್ಕೆ ಕಿಚ್ಚ ಸುದೀಪ್ ನಗರ ಎಂದು ನಾಮಕರಣ ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಕಿಚ್ಚನ ಫೋಟೋ ಸಮೇತ ನಾಮಫಲಕ ಹಾಕಿದ್ದಾರೆ. ಇದು ಕಿಚ್ಚನ ಗಮನಕ್ಕೂ ಬಂದಿದ್ದು ಅಭಿಮಾನಿಗಳ ಅಭಿಮಾನಕ್ಕೆ ಧನ್ಯವಾದ ತಿಳಿಸಿದ್ದಾರೆ.

ಹಿಂದೊಮ್ಮೆ ಸುದೀಪ್ ಹೆಸರಿನಲ್ಲಿ ಅಭಿಮಾನಿಗಳು ಗ್ರಂಥಾಲಯವೊಂದನ್ನು ತೆರೆದು ಅದಕ್ಕೆ ಅವರದ್ದೇ ಹೆಸರಿಟ್ಟಿದ್ದ ಸುದ್ದಿ ಓದಿರುತ್ತೀರಿ. ಇದೀಗ ಗ್ರಾಮಕ್ಕೇ ಕಿಚ್ಚನ ಹೆಸರಿಡಲಾಗಿದೆ.