ವಿಶ್ವದ ಅತಿ ದುಬಾರಿ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಬಿಡುಗಡೆ

ಸಾಕಷ್ಟು ಊಹಾಪೋಹಗಳಿಗೆ ಪೂರ್ಣವಿರಾಮ ನೀಡಿರುವ ಬ್ರಿಟಿಷ್ ಇಸ್ರೇಲಿ ಜಂಟಿ ಸಹಭಾಗಿತ್ವದ ಕಂಪೆನಿಯಾದ ಸಿರಿನ್ ಲ್ಯಾಬ್ಸ್, ಸಂಭಾಷಣೆ ಸುರಕ್ಷತೆಗಾಗಿ ಸೇನೆಯಲ್ಲಿ ಬಳಸಲಾಗುವ ಚಿಪ್ ಟೂ ಚಿಪ್ ಗೂಢಲಿಪೀಕರಣ ಮಾದರಿಯ ಆಂಡ್ರಾಯ್ಡ್ ಸ್ಮಾರ್ಟ್‌ಪೋನ್‌ಗಳನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಈ ಆವೃತ್ತಿಯ ಸ್ಮಾರ್ಟ್‌ಪೋನ್‌ಗಳು 9 ಲಕ್ಷ ರೂಪಾಯಿಗಳಲ್ಲಿ ಲಭ್ಯವಾಗಲಿದೆ.

ಮೊಬೈಲ್ ಕ್ಷೇತ್ರದಲ್ಲಿ ರೋಲ್ಸ್ ರಾಯ್ಸ್ ಎಂದೇ ಕರೆಯಲಾಗುವ ಸ್ಮಾರ್ಟ್‌ಫೋನ್‌ಗೆ ಸೋಲಾರಿನ್ ಎಂದು ಹೆಸರಿಸಲಾಗಿದ್ದು ಮಂಗಳವಾರದಂದು ಲಂಡನ್‌ನಲ್ಲಿ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾಗಿದೆ.

ಸೋಲಾರಿನ್ ಆವೃತ್ತಿಯ ಸ್ಮಾರ್ಟ್‌ಪೋನ್‌ಗಳು ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 810 ಪ್ರೊಸೆಸರ್, ಭರವಸೆವುಳ್ಳ ಅತ್ಯುಚ್ಛ ವೈ-ಫೈ ಸಂಪರ್ಕ, 23.8 ಮೆಗಾ ಫಿಕ್ಸೆಲ್ ರಿಯರ್ ಕ್ಯಾಮೆರಾ ಜೊತೆಗೆ 5.5 ಇಂಚಿನ ಐಪಿಎಸ್ ಎಲ್‌ಇಡಿ 2-ಕೆ ರೆಸಲ್ಯೂಶನ್ ಸ್ಕ್ರೀನ್ ಹೊಂದಿದೆ.

ಈ ಆವೃತ್ತಿಯ ಪೋನ್‌ಗಳು ಅತ್ಯಾಧುನಿಕ ಗೌಪ್ಯತೆ ತಂತ್ರಜ್ಞಾನ ಹೊಂದಿದ್ದು, ಪ್ರಸ್ತುತ ಅಧಿಕೃತ ಮಳಿಗೆಯಲ್ಲಿ ಮಾತ್ರ ಲಭ್ಯವಾಗಲಿದೆ. ಇಸ್ರೇಲಿ ಜಂಟಿ ಸಹಭಾಗಿತ್ವದ ಕಂಪೆನಿಯಾದ ಸಿರಿನ್, ಸಂವಹನ ಭದ್ರತಾ ಸಂಸ್ಥೆಯಾದ ಕೂಲ್‌ಸ್ಪಾನ್ ಸಂಸ್ಥೆಯೊಂದಿಗೆ ಕೈಜೊಡಿಸಿದೆ.

ಈ ಆವೃತ್ತಿಯ ಸ್ಮಾರ್ಟ್‌ಪೋನ್‌ಗಳು ಅತಿ ಗೌಪ್ಯತೆಯ ಅತ್ಯಾಧುನಿಕ ತಂತ್ರಜ್ಞಾನವನ್ನು ಹೊಂದಿದ್ದು, ಜಗತ್ತಿನ ಎಲ್ಲಾ ಸ್ಮಾರ್ಟ್‌ಪೋನ್‌ಗಳಿಗಿಂತ ವೇಗವಾಗಿ ಕಾರ್ಯನಿರ್ವಹಿಲಿದ್ದು, ಜಗತ್ತಿನ ಅತ್ಯುತ್ತಮ ವಸ್ತುಗಳಿಂದ ಈ ಪೋನ್‌ಗಳನ್ನು ಸಿದ್ದಪಡಿಸಲಾಗಿದೆ ಎಂದು ಸಿರಿನ್ ಲ್ಯಾಬ್ ಮಾಹಿತಿ ನೀಡಿದೆ.

ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.