ಪ್ರಯಾಣಿಕರನ್ನು ಆಕರ್ಷಿಸಲು ವಿಮಾನಯಾನ ಸಂಸ್ಥೆಗಳು ಪೈಪೋಟಿಗೆ ಬಿದ್ದಂತಿವೆ. ರಿಯಾಯಿತಿ ಮೇಲೆ ರಿಯಾಯಿತಿ ನೀಡಲು ಮುಂದಾಗಿವೆ. ಇತ್ತೀಚೆಗೆ ಏರ್ ಏಷ್ಯಾ, ಜೆಟ್ ಏರ್‌ವೇಸ್ ಸಂಸ್ಥೆಗಳು ದೇಶೀಯ ವಿಮಾನಯಾನದಲ್ಲಿ ಕಡಿಮೆ ಬೆಲೆಗೆ ಟಿಕೆಟ್‌ಗಳನ್ನು ನೀಡುತ್ತಿವೆ.
ಈಗ ಇನ್ನೊಂದು ಪ್ರಮುಖ ವಿಮಾನಯಾನ ಸಂಸ್ಥೆ ಸ್ಪೈಸ್ಜೆಟ್ ’ಲಕ್ಕಿ 7 ಸೇಲ್’ ಹೆಸರಿನ ಹೊಸ ಯೋಜನೆಯನ್ನು ಪ್ರಕಟಿಸಿದೆ. ಎಲ್ಲಾ ಶುಲ್ಕಗಳು ಸೇರಿ ಟಿಕೆಟ್ ಒಂದಕ್ಕೆ ರೂ.777 ನಿಗದಿಪಡಿಸಿದೆ. ಈ ಹೊಸ ಆಫರ್ ಮೂಲಕ ಈ ತಿಂಗಳ 22ರಿಂದ ನಾಲ್ಕು ದಿನಗಳ ಕಾಲ ಟಿಕೆಟ್ ಮಾರಾಟ ಮಾಡಲಿದ್ದಾರೆ.
ಆದರೆ ಒಂದು ಕಡೆ ಪ್ರಯಾಣಕ್ಕೆ ಮಾತ್ರ ಈ ಟಿಕೆಟ್ ಬಳಸಿಕೊಳ್ಳಬಹುದು. ಈ ಕೊಡುಗೆಯನ್ನು ಮಾರ್ಚ್ 9ರಿಂದ ಏಪ್ರಿಲ್ 13ರ ಒಳಗೆ ಮಾತ್ರ ಟಿಕೆಟ್ ಉಪಯೋಗಿಸಬೇಕು. ಟಿಕೆಟ್‌ಗಳನ್ನು ಸ್ಪೈಸ್ಜೆಟ್ ಅಧಿಕೃತ ವೆಬ್‌ಸೈಟ್ ಅಥವಾ ಟ್ರಾವೆಲ್ ಏಜೆಂಟ್, ಆನ್‍ಲೈನ್ ಟ್ರಾವಲ್ ಪೋರ್ಟಲ್ಸ್‌ನಲ್ಲಿ ಪಡೆಯಬಹುದೆಂದು ಸ್ಪೈಸ್ಜೆಟ್ ತಿಳಿಸಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
