ನವದೆಹಲಿ: ದೆಹಲಿ ಮತ್ತು ವಾರಣಾಸಿ ಮಾರ್ಗವಾಗಿ ದೇಶದ ಎರಡನೇಯ ಬುಲೆಟ್ ಟ್ರೈನ್ ಸಂಚಾರಕ್ಕಾಗಿ ಭಾರತ ಸಿದ್ಧತೆ ನಡೆಸಿದೆ.
ಪ್ರಧಾನಿ ಮೋದಿಯವರ ಲೋಕಸಭಾ ಚುನಾವಣೆಯ ತವರು ಕ್ಷೇತ್ರ ವಾರಣಾಸಿಯಿಂದ ಆಲಿಗಢ್, ಆಗ್ರಾ, ಕಾನ್ಪುರ್, ಲಕ್ನೋ ಮತ್ತು ಸುಲ್ತಾನ್ಪುರ್ ಮಾರ್ಗವಾಗಿ ರಾಷ್ಟ್ರ ರಾಜಧಾನಿ ದೆಹಲಿವವರೆಗೂ ದೇಶದ ಎರಡನೇಯ ಬುಲೆಟ್ ಟ್ರೈನ್ ಓಡಿಸಲು ಸರಕಾರ ಪ್ರಸ್ತಾವನೆಯನ್ನು ಸಿದ್ಧಗೊಳಿಸಿದೆ.
ಪ್ರಸಕ್ತವಾಗಿ ಈ ಮಾರ್ಗದಲ್ಲಿ ಸಂಚರಿಸುವ ರೈಲುಗಳು ತಮ್ಮ ಗುರಿ ತಲುಪಲು 10 ರಿಂದ 14 ಘಂಟೆ ಸಮಯವನ್ನು ತೆಗೆದುಕೊಳ್ಳುತ್ತಿವೆ. ಆದರೆ, ಈ ಮಾರ್ಗದಲ್ಲಿ ಬುಲೆಟ್ ಟ್ರೈನ್ ಸಂಚರಿಸಲು ಪ್ರಾರಂಭಿಸಿದರೆ 2 ಘಂಟೆ 40 ನಿಮಿಷಗಳಲ್ಲಿ ಗುರಿಯನ್ನು ತಲುಪಬಹುದಾಗಿದೆ.
ರಾಷ್ಟ್ರ ರಾಜಧಾನಿ ದೆಹಲಿಯಿಂದ ಲಕ್ನೋ ನಗರಕ್ಕೆ ಸಂಚರಿಸಲು (506 ಕಿ.ಮೀಟರ್) 1.45 ನಿಮಿಷಗಳಲ್ಲಿ ಸಂಚರಿಸಬಹುದಾಗಿದೆ.
ಮುಂಬೈ ಮತ್ತು ಅಹ್ಮದಾಬಾದ್ ಮಾರ್ಗವಾಗಿ ಸಂಚರಿಸಲಿರುವ ದೇಶದ ಪ್ರಥಮ ಬುಲೆಟ್ ಟ್ರೈನ್ 2023 ರ ಸಾಲಿನಿಂದ ಕಾರ್ಯನಿರ್ವಹಿಸುವ ನಿರೀಕ್ಷೆ ಇದೆ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
