ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ ಇತ್ತೀಚೆಗಷ್ಟೇ 200 ರೂ. ನೋಟುಗಳನ್ನು ಬಿಡುಗಡೆ ಮಾಡಿತ್ತು. ಆದರೆ ಹೊಸ ನೋಟು ಕೈಯಲ್ಲಿ ಹಿಡಿಯುವ ಆಸೆ ಹೊಂದಿದ್ದವರಿಗೆ ಸದ್ಯಕ್ಕೆ ನಿರಾಸೆಯಾಗಲಿದೆ.
ಈ ಹೊಸ ನೋಟುಗಳು ಸದ್ಯಕ್ಕೆ ಎಟಿಎಂನಲ್ಲಿ ಸಿಗಲ್ಲ. ಸದ್ಯಕ್ಕೆ 200 ರೂ. ನೋಟುಗಳು ಸಾಕಷ್ಟು ಸಂಖ್ಯೆಯಲ್ಲಿ ಮುದ್ರಣವಾಗಿಲ್ಲ. ಹಾಗಾಗಿ ಕನಿಷ್ಠ ಮೂರು ತಿಂಗಳಿಗೆ ಎಟಿಎಂನಲ್ಲಿ ಹೊಸ ನೋಟು ಲಭ್ಯವಿರುವುದಿಲ್ಲ ಎಂದು ಆರ್ ಬಿಐ ಹೇಳಿದೆ.
ಆದರೆ ಈ ಸಮಸ್ಯೆ ಯಾವಾಗ ಪರಿಹಾರವಾಗುತ್ತದೆ. ಯಾವಾಗ ಸಾಕಷ್ಟು ಸಂಖ್ಯೆಯಲ್ಲಿ 200 ರೂ. ಮುದ್ರಣವಾಗುತ್ತದೆ ಎನ್ನುವುದಕ್ಕೂ ಆರ್ ಬಿಐ ಸ್ಪಷ್ಟ ಉತ್ತರ ನೀಡಿಲ್ಲ. ಹಾಗಾಗಿ ಸದ್ಯಕ್ಕಂತೂ 200 ರೂ. ಕೈಯಲ್ಲಿ ಹಿಡಿಯುವ ಕನಸು ನನಸಾಗದು.