ಟಾಟಾ ಮೋಟಾರ್ಸ್‌ನ ಜಾಗ್ವಾರ್ ಲ್ಯಾಂಡ್ ರೋವರ್ ಗುರುವಾರ ಮಾರುಕಟ್ಟೆಗೆ ಹೊಸ ಮಾಡೆಲ್ "ವೆಲಾರ್" ಕಾರನ್ನು ಬಿಡುಗಡೆ ಮಾಡಿದೆ. ಲ್ಯಾಂಡ್ ರೋವರ್ ಮುಖ್ಯ ಡಿಸೈನ್ ಅಧಿಕಾರಿ ಮೆಕ್ ಗವರ್ನ್ ಮಾತನಾಡುತ್ತಾ, ಈ ಕಾರನ್ನು ಮಾರುಕಟ್ಟೆಗೆ ತಂದ ಘನತೆ ಟಾಟಾ ಗ್ರೂಪ್ ಗೌರವ ಮುಖ್ಯಸ್ಥ ರತನ್ ಟಾಟಾಗೆ ಸಲ್ಲುತ್ತದೆ ಎಂದಿದ್ದಾರೆ.
"ರತನ್ ಟಾಟಾಗೆ ಧನ್ಯವಾದಗಳನ್ನು ತಿಳಿಸುತ್ತಿದ್ದೇನೆ. ವೆಲಾರ್ ಮಾಡೆಲ್ ಡಿಸೈನ್ ನೋಡಿದಾಗಿನಿಂದ ಈ ಕಾರಿನ ಮೇಲೆ ಅವರು ವಿಶೇಷ ಆಸಕ್ತಿ ತೋರಿಸಿದ್ದರು" ಎಂದಿದ್ದಾರೆ ಮೆಕ್ ಗವರ್ನ್. ಭಾರತ ಸೇರಿದಂತೆ ಜಗತ್ತಿನಾದ್ಯಂತ ಇರುವ ಗ್ರಾಹಕರಿಗೆ ಈ ಕಾರು ಲಭ್ಯವಾಗಲಿದೆ ಎಂದು ಅವರು ತಿಳಿಸಿದ್ದಾರೆ.
ಇಂಗ್ಲೆಂಡ್‌ನಲ್ಲಿನ ವೆಸ್ಟ್ ಮಿಡ್‌ಲ್ಯಾಂಡ್ಸ್‌ನಲ್ಲಿನ ಜೆಎಲ್ಆರ್ ಘಟಕದಲ್ಲಿ ಈ ಹೊಸ ವಾಹನನ್ನು ತಯಾರಿಸಿರುವುದಾಗಿ ಅವರು ವೆಲಾರ್ ಕಾರಿನ ಬಗ್ಗೆ ವಿವರ ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
