ಮಾತೃಭಾಷೆಯಲ್ಲಿ ಟೈಪಿಸಲು ಹೈಟ್ಯಾಪ್ ಇಂಡಿಕ್ ಕೀಬೋರ್ಡ್

ಆಂಡ್ರಾಯ್ಡ್ ಸ್ಮಾರ್ಟ್‍ಫೋನ್ ಬಳಸುತ್ತಿರುವವರಿಗೆ ತಮ್ಮ ಮಾತೃಭಾಷೆಯಲ್ಲಿ ಡಿವೈಸನ್ನು ಉಪಯೋಗಿಸುವುದು ಈಗ ಹೆಚ್ಚಾಗಿದೆ. ಮುಖ್ಯವಾಗಿ ಕನ್ನಡ ಸೇರಿದಂತೆ ಹಿಂದಿ, ತೆಲುಗು, ತಮಿಳು, ಮಲಯಾಳಂನಂತಹ ಪ್ರಾದೇಶಿಕ ಭಾಷೆಗಳ ಬಳಕೆ ಗಣನೀಯವಾಗಿ ಹೆಚ್ಚಾಗಿದೆ.

ಈ ಹಿನ್ನೆಲೆಯಲ್ಲಿ ಆಂಡ್ರಾಯ್ಡ್ ಬಳಕೆದಾರರಿಗೆ ಅನೇಕ ತರಹದ ಟೈಪಿಸುವ ಯಾಪ್ಸ್ ಗೂಗಲ್ ಪ್ಲೇಸ್ಟೋರಲ್ಲಿ ಲಭ್ಯವಾಗುತ್ತಿವೆ. ಇತ್ತೀಚೆಗೆ ಫನ್ನಿ ಟ್ಯಾಪ್ ಟೆಕ್ ಕಂಪನಿ ಹೈಟ್ಯಾಪ್ ಇಂಡಿಕ್ ಕೀಬೋರ್ಡ್’ (HITAP INDIC KEYBOARD - FREE) ನೂತನ ಆಪ್ ಬಿಡುಗಡೆ ಮಾಡಿದೆ. 

ಈ ಆಪನ್ನು ಬಳಕೆದಾರರು ಗೂಗಲ್ ಪ್ಲೇಸ್ಟೋರಿಂದ ಡೌನ್‍ಲೋಡ್ ಮಾಡಿಕೊಳ್ಳಬಹುದು. ಆಂಡ್ರಾಯ್ಡ್ 4.0 ಮತ್ತು ಅದಕ್ಕೂ ಹೆಚ್ಚಿನ ಓಎಸ್ ಉಳ್ಳವರು ಇನ್‌ಸ್ಟಾಲ್ ಮಾಡಿಕೊಳ್ಳಬಹುದು. ಈ ಆಪ್‍ ಮೂಲಕ ಇಂಗ್ಲಿಷ್ ನೊಂದಿಗೆ ಕನ್ನಡ, ಹಿಂದಿ, ತೆಲುಗು, ಮರಾಠಿ, ಗುಜರಾತಿ, ಮಲಯಾಳಂ, ತಮಿಳು ಭಾಷೆಗಳನ್ನು ಟೈಪಿಸಬಹುದು. ಆಯಾ ಭಾಷೆಗಳಲ್ಲಿ ಟೈಪಿಸಿ ಕಾಪಿ ಪೇಸ್ಟ್ ಮಾಡಬಹುದು. ಇನ್ನೂ ಸಾಕಷ್ಟು ವೈಶಿಷ್ಟ್ಯಗಳು ಈ ಆಪ್‍ನಲ್ಲಿವೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.