ಇಂಧನ ದರ ದುಬಾರಿ: ವಿಮಾನ ಪ್ರಯಾಣ ತುಟ್ಟಿ ಸಾಧ್ಯತೆ

ಜಾಗತಿಕ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಹೆಚ್ಚಳವಾದ ಪರಿಣಾಮವಾಗಿ ವಿಮಾನ ಪ್ರಯಾಣ ದುಬಾರಿಯಾಗುವ ಸಾಧ್ಯತೆಗಳಿವೆ ಎಂದು ತೈಲ ವೈಮಾನಿಕ ಸಂಸ್ಥೆಗಳ ಮೂಲಗಳು ತಿಳಿಸಿವೆ.

ವಿಮಾನಯಾನದ ಕಾರ್ಯಾಚರಣೆಯ ಒಟ್ಟು ವೆಚ್ಚದಲ್ಲಿ ಶೇ.40 ರಷ್ಟು ವೆಚ್ಚ ಇಂಧನಕ್ಕೆ ಬೇಕಾಗಿದೆ. ಇದೀಗ ಇಂಧನ ದರದಲ್ಲಿ ಮತ್ತಷ್ಟು ಹೆಚ್ಚಳವಾಗಿರುವುದು ವಿಮಾನಯಾನ ಸಂಸ್ಥೆಗಳಿಗೆ ಹೊರೆಯಾಗಲಿದೆ ಎಂದು ವೈಮಾನಿಕ ಸಂಸ್ಥೆಗಳ ಮೂಲಗಳು ತಿಳಿಸಿವೆ.

ಆಯಾ ಪ್ರದೇಶಗಳ ಸ್ಥಳೀಯ ಮಾರಾಟ ತೆರಿಗೆಯ ಆಧಾರದ ಮೇಲೆ ವಿಮಾನ ಪ್ರಯಾಣ ಬೆಲೆಯನ್ನು ನಿಗದಿಪಡಿಸಲಾಗಿದೆ.

ಜಾಗತಿ ಮಾರುಕಟ್ಟೆಯಲ್ಲಿ ತೈಲ ದರ ಸತತ ನಾಲ್ಕು ತಿಂಗಳಿಂದ ಹೆಚ್ಚಳವಾಗುತ್ತಿದ್ದು, ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪ್ರತಿ ಕಿಲೋಲೀಟರ್ ಎಟಿಎಫ್ ಇಂಧನ ದರ 3,945.47 ರೂಪಾಯಿಗಳಿಂದ 9.2 ಪ್ರತಿಶತ ಹೆಚ್ಚಳವಾಗಿ 46,729.48 ರೂಪಾಯಿಗಳಿಗೆ ತಲುಪಿದೆ.

ಮಾರ್ಚ್ 1 ರಂದು ಪೆಟ್ರೋಲ್ ದರ 12 ಪ್ರತಿಶತ ಏರಿಕೆಯಾಗಿ ಪ್ರತಿ ಕಿಲೋಲೀಟರ್ 4,174.49 ರೂಪಾಯಿಗಳಿಗೆ ತಲುಪಿತ್ತು. ಏಪ್ರಿಲ್ 1 ರಂದು 8.7 ಪ್ರತಿಶತ ಏರಿಕೆ ಕಂಡು ಪ್ರತಿ ಕಿಲೋಲೀಟರ್ 3,371.55 ರೂಪಾಯಿಗೆ ತಲುಪಿದ್ದು, ಮೇ 1 ರಂದು 1.5 ಪ್ರತಿಶತ ಹೆಚ್ಚಳವಾಗಿ 3,945.47 ರೂಪಾಯಿಗಳಿಗೆ ತಲುಪಿತ್ತು.  

ಈ ಬೆಳವಣಿಗೆಯಾದ ಮಾರನೇಯ ದಿನವೇ ಪೆಟ್ರೋಲ್ ದರದಲ್ಲಿ 2.58 ರೂಪಾಯಿ ಮತ್ತು ಡಿಸೇಲ್ ದರದಲ್ಲಿ 2.26 ರೂಪಾಯಿ ಏರಿಕೆಯಾಗಿದೆ.