95ಕೋಟಿ ಮೌಲ್ಯದ ಆಸ್ತಿ ಘೋಷಿಸಿದ ಚಿದಂಬರಮ್ ಕುಟುಂಬ

ರಾಜ್ಯಸಭಾ ಚುನಾವಣೆಗೆ ಕಣಕ್ಕಿಳಿಯುತ್ತಿರುವ ಮಾಜಿ ಕೇಂದ್ರ ಸಚಿವ, ಕಾಂಗ್ರೆಸ್ ನಾಯಕ ಪಿ.ಚಿದಂಬರಮ್ (70) ತಮ್ಮ ಆಸ್ತಿ ಘೋಷಣೆ ಮಾಡಿಕೊಂಡಿದ್ದಾರೆ. ಅವರು ಸಲ್ಲಿಸಿರುವ ಅಫಿಡವಿಟ್ ಪ್ರಕಾರ ಕುಟುಂಬ 95ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದೆ.

ರಾಜ್ಯಸಭೆ ಸದಸ್ಯತ್ವಕ್ಕಾಗಿ ನಡೆಯುತ್ತಿರುವ ದ್ವೈವಾರ್ಷಿಕ ಚುನಾವಣೆಗಾಗಿ ಚಿದಂಬರಮ್ ಮಹಾರಾಷ್ಟ್ರದಿಂದ ಕಣಕ್ಕಿಳಿಯುತ್ತಿದ್ದಾರೆ. 

ಅವರು ಸಲ್ಲಿಸಿರುವ 22 ಪುಟಗಳ ಅಫಿಡವಿಟ್ ಪ್ರಕಾರ ಕುಟುಂಬ 54.30 ಕೋಟಿ ಚರಾಸ್ತಿ ಮತ್ತು 41.35ಕೋಟಿ ಸ್ಥಿರಾಸ್ತಿಯನ್ನು ಹೊಂದಿದ್ದಾರೆ. 

2014-15ರ ಸಾಲಿನಲ್ಲಿ  ತಮ್ಮ ಗಳಿಕೆ 8.58ಕೋಟಿ ಮತ್ತು ತಮ್ಮ ಪತ್ನಿ ನಳಿನಿ ಚಿದಂಬರಮ್ ಗಳಿಕೆ 1.25ಕೋಟಿ ಎಂದು ಆದಾಯ ತೆರಿಗೆ ಪಾವತಿ ವೇಳೆ ಮಾಜಿ ಸಚಿವರು ಬಹಿರಂಗ ಪಡಿಸಿದ್ದಾರೆ. 

ಚಿದಂಬರಮ್ ಅವರ ಚರಾಸ್ತಿ 42.95 ಕೋಟಿ, ಸ್ಥಿರಾಸ್ತಿ 4.25ಕೋಟಿಯಾದರೆ, ಅವರ ಪತ್ನಿಯ ಚರಾಸ್ತಿ 11.23 ಕೋಟಿ, ಸ್ಥಿರಾಸ್ತಿ 25.03 ಕೋಟಿ ಎಂದು ತಿಳಿದು ಬಂದಿದೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.