20 ಸಾವಿರ ರೂಪಾಯಿ ಮೊಬೈಲ್ ನೋಡಿದರೇನೆ ಅಪ್ಪ ದುಬಾರಿ ಮೊಬೈಲ್ ಎನ್ನುವ ಭಾವನೆ ಬರುತ್ತೆ. ಆದರೆ, ನಾವು ಈಗ ಹೇಳ್ತಿರೋದು ನೀವು ಕನಸಿನಲ್ಲೂ ಊಹಿಸಿರದಷ್ಟು ದುಬಾರಿ ಬೆಲೆಯ ಮೊಬೈಲ್. ಅದು ಬರೋಬ್ಬರಿ 2.3 ಕೋಟಿ ರೂ. ಬೆಲೆಯ ಮೊಬೈಲ್. ಈ ಮೊಬೈಲನ್ನ ನೀವು ಆರ್ಡರ್ ಮಾಡಿದರೆ ಹೆಲಿಕಾಪ್ಟರ್`ನಲ್ಲೆ ಬಂದು ಡೆಲಿವರಿ ಕೊಡ್ತಾರೆ.
2.3 ಕೋಟಿ ರೂಪಾಯಿಯ ಈ ಮೊಬೈಲಿನ ಹೆಸರು ವರ್ಟು. ಟರ್ಕಿಯ ಉದ್ಯಮಿಯೊಬ್ಬ ಈ ಮೊಬೈಲನ್ನ ಖರೀದಿಸಿದ್ದಾರೆ. ಲಿಮಿಟೆಡ್ ಎಡಿಶನ್ನಿನ ಈ ವರ್ಟು ಕೋಬ್ರಾ ಮೊಬೈಲ್ ಚೀನಾದ ಆನ್ ಲೈನ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ.
10 ಸಾವಿರ ರೂ. ಡೌನ್ ಪೇಮೆಂಟ್ ಮಾಡಿ ಈ ಮೊಬೈಲ್ ಬುಕ್ ಮಾಡಬಹುದಾಗಿದೆ. ಮೊಬೈಲ್ ಡೆಲಿವರಿಗೂ ಮುನ್ನವೇ ಉಳಿದ ಹಣವನ್ನ ಪೇಮೆಂಟ್ ಮಾಡಬೇಕು. ಇದರ ವಿಶೇಷತೆ ಏನೆಂದರೆ ಈ ಫೀಚರ್ ಫೋನನ್ನ ಹೆಲಿಕಾಪ್ಟರ್ ಮೂಲಕ ಡೆಲಿವರಿ ಮಾಡಲಾಗುತ್ತೆ.
ಸದ್ಯ, ವಿಶ್ವಾದ್ಯಂತ 8 ವರ್ಟು ಫೀಚರ್ ಫೋನ್`ಗಳನ್ನ ಮಾತ್ರ ತಯಾರಿಸಲಾಗಿದ್ದು, ಚೀನಾದಲ್ಲಿ ಮಾತ್ರ ಲಭ್ಯವಿದೆ. ಫ್ರಾನ್ಸ್ ಮೂಲದ ಜುವೆಲ್ಲರಿ ಬ್ರಾಂಡ್ ಬೌಷರನ ಸಂಸ್ಥೆ ಈ ಫೋನನ್ನ ಡಿಸೈನ್ ಮಾಡಿದೆ. 439 ರೂಬಿ ಹರಳುಗಳು ಇದರಲ್ಲಿರಲಿವೆ. ಹೆಸರೇ ಸೂಚಿಸಿದಂತೆ ಕೋಬ್ರಾ ಡಿಸೈನ್ ಇದೆ. 2 ಪಚ್ಚೆ ಹರಳು ಸೇರಿದಂತೆ ಹಲವು ಹರಳುಗಳೊಂದಿಗೆ ಸಂಯೋಜನೆಗೊಂಡಿದ್ದು, ಬ್ರಿಟನ್ನಿನಲ್ಲಿ ಉತ್ದಾದಿಸಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
