ಹಡಗು ಮುಳುಗುವುದರಲ್ಲಿದೆ ಯಾರಾದರೂ ಸಹಾಯ ಮಾಡಿ ಎಂದು ಎಲ್ಲರೂ ಬೊಬ್ಬೆ ಹೊಡೆಯುತ್ತಿದ್ದರು, ದೇವರಲ್ಲಿ ಪ್ರಾರ್ಥಿಸುತ್ತಿದ್ದರು. ಒಬ್ಬ ಪ್ರಯಾಣಿಕ ಮತ್ತೊಬ್ಬನಲ್ಲಿ 'ಇಲ್ಲಿಂದ ನೆಲ ಎಷ್ಟು ದೂರದಲ್ಲಿದೆ?' ಎಂದು ಕೇಳುತ್ತಾನೆ. ಆ ಪ್ರಯಾಣಿಕ 'ಎರಡು ಮೈಲುಗಳು' ಎಂದುತ್ತರಿಸುತ್ತಾನೆ. ಅದಕ್ಕೆ ಆ ಪ್ರಯಾಣಿಕ 'ಬರಿಯ ಎರಡು ಮೈಲುಗಳು. ಮತ್ಯಾಕೆ ಇವರೆಲ್ಲ ಮೂರ್ಖರ ಹಾಗೆ ಬೊಬ್ಬೆ ಹೊಡೆಯುತ್ತಿದ್ದಾರೆ. ನನಗೆ ಈಜಲು ಬರುತ್ತದೆ' ಎನ್ನುತ್ತಾ ನೀರಿಗೆ ಹಾರುತ್ತಾನೆ. ಮತ್ತೆ ಏನೊ ನೆನಪಾಗಿ ನೀರಿನ ಮೇಲೆ ಬಂದು 'ನೆಲ ಯಾವ ದಿಕ್ಕಿಗಿದೆ ಎಂದು ಹೇಳುತ್ತೀರಾ?' ಎಂದು ಕೇಳಿದುದಕ್ಕೆ ಆ ಪ್ರಯಾಣಿಕ 'ಕೆಳಗಡೆ' ಎನ್ನುತ್ತಾನೆ...!
