ಈ ಐಪಿಎಲ್ ನಲ್ಲಿ ವಿರಾಟ್ ಕೊಹ್ಲಿ ಮಾಡಬಹುದಾದ ಮೂರು ದಾಖಲೆಗಳು

ಬೆಂಗಳೂರು: ಐಪಿಎಲ್ 14 ರಲ್ಲಾದರೂ ಆರ್ ಸಿಬಿ ಕಪ್ ಗೆಲ್ಲಬಹುದು ಎಂಬ ನಿರೀಕ್ಷೆ ಅಭಿಮಾನಿಗಳದ್ದು. ಈ ನಡುವೆ ನಾಯಕ ವಿರಾಟ್ ಕೊಹ್ಲಿ ಮೂರು ದಾಖಲೆಗಳನ್ನು ಮಾಡುವ ಅವಕಾಶವಿದೆ. ಅವು ಯಾವುವು ನೋಡೋಣ.

ವಿರಾಟ್ ಕೊಹ್ಲಿ ಈ ಐಪಿಎಲ್ ನಲ್ಲಿ 200 ಪಂದ್ಯಗಳಲ್ಲಿ ಆರ್ ಸಿಬಿಯನ್ನು ಪ್ರತಿನಿಧಿಸಿದ ದಾಖಲೆ ಮಾಡಲಿದ್ದಾರೆ. ಆರ್ ಸಿಬಿ ಪರ ಇಷ್ಟೊಂದು ಪಂದ್ಯವಾಡಿದವರು ಯಾರೂ ಇಲ್ಲ. ಅದಕ್ಕೆ ಅವರಿಗೆ ಇನ್ನು 6 ಪಂದ್ಯಗಳಲ್ಲಿ ಆಡಿದರೆ ಸಾಕು.

ಐಪಿಎಲ್ ಕೂಟದಲ್ಲಿ ಕೊಹ್ಲಿ ಸದ್ಯಕ್ಕೆ 5878 ರನ್ ಗಳಿಸಿದ್ದು, ಈ ಋತುವಿನಲ್ಲಿ ಅವರಿಗೆ 6000 ರನ್ ಪೂರ್ತಿ ಮಾಡಿ ಐಪಿಎಲ್ ನಲ್ಲಿ ಗರಿಷ್ಠ ರನ್ ಸಂಪಾದಿಸಿದ ದಾಖಲೆ ಮಾಡುವ ಅವಕಾಶವಿದೆ. ಅಷ್ಟೇ ಅಲ್ಲ, ಸದ್ಯಕ್ಕೆ ಟಿ20 ಕ್ರಿಕೆಟ್ ನಲ್ಲಿ 9731 ರನ್ ಗಳಿಸಿರುವ ಕೊಹ್ಲಿ ಈ ಋತುವಿನಲ್ಲಿ 10 ಸಾವಿರ ಟಿ20 ಕ್ರಿಕೆಟ್ ರನ್ ಗಳಿಸಿದ ಮೊದಲ ಅಂತಾರಾಷ್ಟ್ರೀಯ ಆಟಗಾರ ಎಂಬ ದಾಖಲೆ ಮಾಡಬಹುದಾಗಿದೆ. ಈ ದಾಖಲೆಗಳ ಜೊತೆ ಆರ್ ಸಿಬಿ ಕಪ್ ಗೆಲ್ಲುವಂತಾಗಲಿ ಎಂಬುದೇ ಅಭಿಮಾನಿಗಳ ಬಯಕೆ.