ಸಿಕ್ಸರ್ ವಿಚಾರಕ್ಕೆ ಧೋನಿ, ರೋಹಿತ್, ಸುರೇಶ್ ರೈನಾ ನಡುವೆ ರೇಸ್

ಚೆನ್ನೈ: ಈ ಬಾರಿ ಐಪಿಎಲ್ ನಲ್ಲಿ ಹೊಸ ದಾಖಲೆ ಬರೆಯಲು ಟೀಂ ಇಂಡಿಯಾ ಕ್ರಿಕೆಟಿಗರಾದ ಧೋನಿ, ರೋಹಿತ್ ಶರ್ಮಾ ಮತ್ತು ಸುರೇಶ್ ರೈನಾ ನಡುವೆ ಭಾರೀ ಪೈಪೋಟಿ ಏರ್ಪಟ್ಟಿದೆ.

ಐಪಿಎಲ್ ಗೆ ಈ ಮೂವರೂ ಆಟಗಾರರೂ ಹಳಬರೇ. ಧೋನಿ ಮತ್ತು ರೈನಾ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುತ್ತಿದ್ದರೆ, ರೋಹಿತ್ ಮುಂಬೈ ಇಂಡಿಯನ್ಸ್ ಪ್ರತಿನಿಧಿಸುತ್ತಿದ್ದಾರೆ.

ಇದೀಗ ಮೂವರೂ 200 ಸಿಕ್ಸರ್ ಗಳ ದಾಖಲೆ ಮಾಡಲು ರೇಸ್ ನಲ್ಲಿದ್ದಾರೆ. ಮೂವರ ಪೈಕಿ ಧೋನಿ 186 ಸಿಕ್ಸರ್ ಗಳೊಂದಿಗೆ ಮುಂದಿದ್ದಾರೆ. ನಂತರ ಸುರೇಶ್ ರೈನಾ 185 ಸಿಡಿಸಿ ದ್ವಿತೀಯ ಸ್ಥಾನದಲ್ಲಿದ್ದಾರೆ. ರೋಹಿತ್ ಶರ್ಮಾ ಖಾತೆಯಲ್ಲಿ 184 ಸಿಕ್ಸರ್ ಗಳಿವೆ. ಈ ಮೂವರೂ ಆಟಗಾರರ ಪೈಕಿ ಯಾರು ಮೊದಲು 200 ಸಿಕ್ಸರ್ ಗಳ ಗುರಿ ತಲುಪುತ್ತಾರೆ ಕಾದು ನೋಡಬೇಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ